Monday, July 22, 2019
સબસ્ક્રાઈબ કરો VTVGujarati ન્યુઝ Whatsapp

ટીમમાં ના લીધો તો ક્રિકેટરે પૂર્વ ફાસ્ટ બોલરને મારવા મોકલ્યા ગુંડા

ટીમમાં ના લીધો તો ક્રિકેટરે પૂર્વ ફાસ્ટ બોલરને મારવા મોકલ્યા ગુંડા
ભારતનો પૂર્વ ફાસ્ટ બોલર અને દિલ્હીનો કેપ્ટન રહી ચુકેલો અમિત ભંડારી પર સોમવારે સવારે કેટલાક લોકોએ હુમલો કર્યો છે. આ હુમલામાં તે ગંભીર રૂપથી ઘાયલ થઇ ગયો. દિલ્હી U-23 ક્રિકેટ ટીમ ખેલાડી અનુજ ડેઢા પર હુમલાનો આરોપ છે. જે સમયે હુમલો થયો એ સમયે ભંડારી સેન્ટ સ્ટીફન કોલેજના મેદાનામં સીનિયર ટીમની અભ્યાસ મેચ જોઇ રહ્યો હતો. એ આ સમયે દિલ્હી ટીમનો પસંદગીકર્તા છે. જણાવી દઇએ કે અમિત ભંડારીએ ભારત માટે બે વન ડે મેચ રમી હતી. 

જાણવા મળી રહ્યું છે કે અનુજ ડેઢાએ અંડર-23 ટીમમાં પસંદ ના કરવામાં આવતા આ હુમલો કરાવ્યો. 28 જાન્યુઆરીએ દિલ્હી અને ડિસ્ટ્રીક્ટ ક્રિકેટ એસોસિએશને 56 સંભાવિત ખેલાડીઓના નામની યાદી જારી કરી હતી જેમાં અનુજ ડેઢાનું નામ સામેલ હતું. 



હુમલામાં અનુજ ભંડારીને ગંભીર ઇજા પહોંચી હતી. એના માથામાં છ ટાંકા આવ્યા હતા અને 5 ફેક્ચર જણાવવામાં આવ્યા છે. પોલીસે અનુજ ડેઢા અને એક હુમલાવરને કસ્ટડીમાં લીધા છે. જ્યારે બીજાની શોધ ચાલી રહી છે. 

આ બાબતે પૂર્વ ક્રિકેટર ગૌતમ ગંભીરે પણ આ ઘટનાની ટીકા કરી છે. એને ટ્વિટર પર લખ્યું 'દિલ્હીમાં આવું જોવા મળે એ ખરાબ છે. આ મામલાને દબાવી શકાશે નહીં અને હું વ્યક્તિગત રીતે પ્રયત્ન કરીશ કે આ કેસ દબાય નહીં. જે ખેલાડીની પસંદગી ના થવા પર હુમલો કરાવ્યો છે એની ઉપર દરેક પ્રકારના ક્રિકેટથી આજીવન પ્રતિબંધ લાગે.' જ્યારે સહેવાગે આ માલે કડક કાર્યવાહી કરવાની માંગ કરી છે. સહેવાગે ટ્વિટ કર્યું 'દિલ્હીના પસંદગીકર્તા અમિત ભંડારી પર એક ખેલાડીની પસંદગી ના કરવા પર હુમલો એ ખરાબ સ્થિતિ જણાવે છે અને મને આશા છે કે દોષિતો વિરુદ્ધ કડક કાર્યવાહી થશે અને ભવિષ્યમાં આવી ઘટનાઓથી બચવા માટે યોગ્ય પગલા ઊઠાવામાં આવશે. '

જોવા જેવું વધુ જુઓ

બ્રેકિંગ ન્યૂઝ