દુષ્કર્મ / હદ થઇ ગઈ! આ રાજ્યની ભાજપની પૂર્વ નેતાએ સગીરાને દુષ્કર્મ કરાવવા માટે વેચી દીધી હોવાનો આક્ષેપ

રાજસ્થાનના સવાઈ માધોપુરના પોલીસ અધિક્ષક ઓ.પી. સોલંકીએ જણાવ્યું હતું કે, "ધરપકડ કરાયેલા લોકોમાં પૂર્વ ભાજપ મહિલા મોરચાની જિલ્લા વડા સુનિતા વર્મા અને બે સરકારી કર્મચારીઓ શામેલ છે. પીડિતાએ વિવિધ સ્થળોએ 8 વખત તેના પર બળાત્કારનો આરોપ લગાવ્યો છે."

FIRમાં પૂર્વ ભાજપ મહિલા મોરચા જિલ્લા પ્રમુખ  સુનિતા વર્માનું પણ નામ

SP ઓ. પી.સોલંકીએ કહ્યું કે FIRમાં પૂર્વ ભાજપ મહિલા મોરચા જિલ્લા પ્રમુખ  સુનિતા વર્માનું પણ નામ છે. તેમના સહયોગી હીરા લાલ અને પૂનમ ચૌધરીનું પણ નામ છે જે કોંગ્રેસ સાથે જોડાયેલા છે.

The FIR has named former BJP Mahila Morcha district chief Sunita Verma*, her associate Heera Lal and Punam Chaudhury who is linked to Congress: OP Solanki, SP of Sawai Madhopur, Rajasthan https://t.co/Qu2Jb1CdIn

— ANI (@ANI) October 2, 2020

પીડિતાના પરિવારજનોએ ફરિયાદમાં જણાવ્યું છે કે ભાજપ મહિલા મોરચાની જિલ્લા પ્રમુખ સુનિતા વર્મા અને તેની સાથી પૂજાએ પૈસાની લાલચ આપીને ફોસલાવી પટાવીને સગીર યુવતી પર દુષ્કર્મ આચર્યું હતું. ફરિયાદ અનુસાર વર્માએ સગીરાને લાલચ આપી હતી કે તે સગીરાને ખૂબ આર્થિક મદદ કરશે અને તે જ રીતે સગીરાને ઘણા લોકો પાસે મોકલવામાં આવી હતી, જ્યાં સગીરા પર દુષ્કર્મ ગુજારવામાં આવ્યું હતું.

સગીરાના અશ્લીલ ફોટોઝને સોશ્યલ મીડિયા ઉપર વાયરલ કરીને બદનામ કરવાની ધમકી

સગીરાએ જયારે તેનો વિરોધ કર્યો ત્યારે સગીરાના અશ્લીલ ફોટોઝને સોશ્યલ મીડિયા ઉપર વાયરલ કરીને બદનામ કરવાની અને તેની જિંદગી ખરાબ કરી દેવાની ધમકી આપવામાં આવી. આ કારણે તે ચૂપ રહી હતી. ફરિયાદમાં કહેવામાં આવ્યું છે કે આ ઘટના પછી સગીરાને ઘણા બધા લોકો પાસે મોકલવામાં આવી અને તેનું દરેક પ્રકારથી શારીરિક શોષણ કરવામાં આવ્યું. 

ભાજપની નેતાએ પોતાનું દેવું ચૂકવવા માટે આ સગીરાને વેચી દીધી તેવા આક્ષેપ

માનવતાનું હનન કરતી ઘટનામાં હદ તો ત્યારે થઇ ગઈ જયારે ભાજપની નેતાએ પોતાનું દેવું ચૂકવવા માટે આ સગીરાને વેચી દીધી તેવા આક્ષેપ છે. અહેવાલ અનુસાર વર્માએ લાઈટ ફિટિંગના બાકી પૈસા ભરવા માટે રાજુલાલ રૈગર નામના એક વ્યક્તિને સોંપી દીધી. ત્યારબાદ આ વ્યક્તિએ આ સગીરાને હોટલમાં લઇ જઈને તેની ઉપર દુષ્કર્મ આચર્યું. ખડ્ડા કોલોનીના નિવાસી રાજુલાલ રૈગરની ધરપકડ કરવામાં આવી છે.

આ મામલે પોલીસે 5 આરોપીઓની ધરપકડ કરી છે. પોલીસ આ મામલે તપાસ કરી રહી છે અને આ મામલે ઘણા આરોપીઓ સામે આવ્યા છે. આ તરફ મુખ્ય આરોપી સુનિતા વર્મા અને તેનો સહયોગી હીરાલાલ પોલીસના રિમાન્ડમાં છે.