જંગ / વિદેશીઓ લડશે યુક્રેનનું યુદ્ધ ! આંતરરાષ્ટ્રીય સેના બનાવવાનું રાષ્ટ્રપતિ ઝેલેન્સ્કીનું મોટું એલાન

• રશિયા અને યુક્રેન વચ્ચે બેલારુસમાં શાંતિ મંત્રણા
• યુદ્ધની વચ્ચે યુક્રેની રાષ્ટ્રપતિ ઝેલેન્સ્કીની મોટી જાહેરાત 
• યુક્રેન હવે આંતરાષ્ટ્રીય સેના બનાવશે

રશિયા સાથેના યુદ્ધમાં યુક્રેને સેનાની નવી યુનિટ International Legion બનાવવાની જાહેરાત કરી છે. યુક્રેની રક્ષા મંત્રાલયે એવી જાહેરાત કરી કે યુક્રેન હવે International Legion બનાવશે જેમાં રશિયાનો સામનો કરવા માટે બીજા દેશોના લોકો પણ સામેલ થઈ શકશે. 

વિદેશી નાગરિકો યુદ્ધમાં સામેલ થઈ શકશે 
મંત્રાલયે એવી જાહેરાત કરી કે રાષ્ટ્રપતિ ઝેલેન્સ્કીએ નવા યુનિટ બનાવવાનું એલાન કર્યું છે. તેમણે કહ્યું કે હજારો વિદેશીઓ યુદ્ધમાં જોડાવા માટે અમને અરજીઓ કરી રહ્યાં છે. તેઓ રશિયા સામેના યુદ્ધમાં અમારો સાથ આપવા માગે છે અને દુનિયાની રક્ષા કરવા માગે છે. 

લાતવિયાએ તેના દેશના લોકોને યુક્રેન જઈને લડવાની મંજૂરી આપી
યુક્રેનના પડોશી દેશ લાતવિયાએ સંસદમાં એક ઠરાવ રજૂ કરીને તેના દેશના નાગરિકોને યુક્રેનમાં જઈને લડવું હોય તો જવાની મંજૂરી આપી છે. ઉલ્લેખનીય છે કે લાતવિયા નાટો દેશનો સભ્ય છે. 

28 દેશોએ યુક્રેનને પૂરી પાડી મદદ

રશિયાના આક્રમણને અયોગ્ય માનનાર દુનિયાના 28 દેશોએ નાની મોટી મદદ પુરી પાડીને યુક્રેનનું એકલું રહેવા દીધું નથી. દુનિયાના દેશોએ થાય તેટલી મદદ યુક્રેનને કરી છે. રશિયા અને યુક્રેન વચ્ચેના યુદ્ધનો આજે પાંચમો દિવસ છે. યુક્રેન પર થયેલા હુમલાને લઈને પશ્ચિમી દેશોએ રશિયન વિમાનો માટે પોતાની એરસ્પેસ બંધ કરી દીધી છે. યુરોપિયન યુનિયને રવિવારે રશિયન વિમાનો માટે એરસ્પેસ બંધ કરવાની જાહેરાત કરી હતી. યુરોપિયન યુનિયન ઉપરાંત કેનેડાએ પણ રશિયા માટે પોતાની એરસ્પેસ બંધ કરી દીધી છે.

રશિયન વિમાનો માટે યુરોપિયન યુનિયને એરસ્પેસ કર્યું બંધ 

યુરોપિયન યુનિયનના પ્રમુખ ઉર્સુલા વોન ડેર લેયેને જણાવ્યું હતું કે રશિયન વિમાનો માટે યુરોપિયન યુનિયનનું એરસ્પેસ બંધ કરી દેવામાં આવ્યું છે. જેમાં રશિયન વિમાનો, રશિયન-રજિસ્ટર્ડ એરક્રાફ્ટ અને રશિયન અંકુશિત વિમાનોનો સમાવેશ થાય છે. આ પ્રતિબંધ ખાનગી જેટ પર પણ લાગુ થશે. યુરોપિયન યુનિયનમાં 28 દેશો છે.