ભારતમાં પેટ્રોલ ડિઝલના ભાવ સતત વધી રહ્યાં છે. હવે તો ડિઝલના ભાવમાં પણ ધરખમ વધારો થયો છે.
રાજસ્થાનના આ શહેરમાં સૌથી વધારે મોંઘુ ડિઝલ
ઇતિહાસમાં પહેલી વાર 100ને પાર ડિઝલ
ગંગાનગરમાં હોય છે સૌથી વધારે ઇંધણનો ભાવ
રાજસ્થાનના ગંગાનગરમાં પેટ્રોલનો ભાવ પણ સૌથી પહેલા 100 રૂપિયા પહોંચ્યો હતો અને હવે ડિઝલનો ભાવ પણ 100 રૂપિયા પહોંચી ગયો છે. ગંગાનગરમાં એવું તો શું છે કે જેના કારણે આ શહેરમાં પેટ્રોલ ડિઝલનો ભાવ સૌથી વધારે છે.
ગંગાનગરમાં કેટલો છે ભાવ
દેશમાં ડિઝલની કિંમતે બધા જ રેકોર્ડ તોડી નાંખ્યા છે અને પહેલી વાર 100 રૂપિયા પ્રતિ લીટરના પાર પહોંચી ગયો છે. 4 મે બાદ શનિવારે 23મી વાર પેટ્રોલ-ડિઝલના ભાવમાં વધારો નોંધાયો હતો. રાજસ્થાનના ગંગાનગરમાં ડિઝલની કિંમત 100.05 અને માઇલ પેટ્રોલનો ભાવ 103.72 રૂપિયામાં વેચાઇ રહ્યું છે.
દરેક શહેરમાં અલગ ભાવ કેમ
દરેક શહેરમાં પેટ્રોલનો ભાવ અલગ અલગ હોય છે અને તેનું કારણ ટેક્સ હોય છે. દરેક શહેરના હિસાબથી નગર નિગમ, નગર પાલિકાઓ ટેક્સ ભરતા હોય છે અને તેના કારણે દરેક શહેરમાં પેટ્રોલનો ભાવ વધારે હોય છે. જેમકે મુંબઇમાં કલ્યાણ, થાણેમાં પણ નગર નિગમ હોવાના કારણે ટેક્સ અલગ અલગ હોય છે.
ગંગાનગરમાં જ કેમ પેટ્રોલ મોંઘુ
સૌને સવાલ થતો હશે કે રાજસ્થાનના ગંગાનગરમાં જ કેમ ભાવ વધી જાય છે. જોકે રાજસ્થાનના બધા શહેરમાં ભાવ વધારે છે પરંતુ સૌથી વધારે ભાવ ગંગાનગરમાં જ કેમ હોય છે.
રાજસ્થાનમાં સૌથી વધારે ટેક્સ વસૂલવામાં આવે છે અને તે સિવાય રોડ સેસ લાગે છે. જે ડિઝલ પર પોણા બે રૂપિયા અને પેટ્રોલ પર દોઢ રૂપિયા લાગે છે. આ જ કારણ છે કે રાજસ્થાનના ગંગાનગરમાં સૌથી વધારે પેટ્રોલ મોંઘુ હોય છે.
ટ્રાંસપોર્ટેશનના કારણે પેટ્રોલનો ભાવ વધી રહ્યો છે. પહેલા હનુમાનગઢ ડેપો હતુ પરંતુ તે 2011માં બંધ થઇ ગયુ હતુ. જે બાદથી જયપુર, જોધપુર, ભરતપુરથી પેટ્રોલ મંગાવવામાં આવતુ હતુ. આ કારણે 5 રૂપિયા પેટ્રોલ વધી જતું હતુ. આ પૈસા કંપની નહી પરંતુ ગ્રાહકોથી વસૂલવામાં આવે છે.