ભારે કરી / ચાર્જર વગર iPhone વેચવો એપ્પલને મોંઘો પડ્યો, ચૂકવવા પડશે એટલા રૂપિયા કે એટલામાં તો નવો આવી જાય

• એપ્પલને ફોન ચાર્જર વગર વેચવો પડ્યો ભારે 
• હવે ચુકવવા પડશે 82 હજાર રૂપિયા 
• જાણો શું છે સમગ્ર મામલો 

લગભગ 2 વર્ષ પહેલા પ્રીમિયમ સ્માર્ટફોન બ્રાન્ડ એપ્પલે એક મોટો નિર્ણય કર્યો હતો જેમાં તેમણે iPhone વેચતી વખતે તેના ડબ્બામાંથી ચાર્જર હટાવી લીધુ હતું. કોઈ પણ iPhone ખરીદે છે તો તેને ચાર્જર અલગથી લેવું પડે છે. કંપનીને પોતાના આ નિર્ણય પર તમામ યુઝર્સની નારાજગીનો સામનો કરવો પડ્યો હતો. પરંતુ તે પોતાના આ નિર્ણય પર અટલ રહ્યા છે. 

તમને જણાવી દઈએ કે હાલમાં જ આ સિલસિલામાં એપ્પલે પોતાના એક કસ્ટમરને 82 હજાર રૂપિયાથી વધારે આપવા પડ્યા છે. આવો જાણીએ શું છે સમગ્રા મામલો...

ચાર્જર વગર iPhone વેચવો પડ્યો ભારે
હાલમાં જ બ્રાઝિલમાં એક જજે સ્માર્ટફોન નિર્માતા એપલને આદેશ આપ્યો છે કે તે બ્રાઝિલના ગ્રાહકને $1,000 થી વધુ ચૂકવે કારણ કે તેણે ચાર્જર વિના આઇફોન વેચ્યો હતો. તમને જણાવી દઈએ કે આ પહેલા પણ એપલને આ કારણોસર 'વળતર' ચૂકવવાનું કહેવામાં આવ્યું છે.

આવો હતો સમગ્ર મામલો
એક રિપોર્ટ અનુસાર બ્રાઝિલના 6th Civil Court of Goiâniaના જજ Vanderlei Caires Pinheiroએ ચુકાદો આપ્યો છે. તમને જણાવી દઈએ કે તેમનું કહેવું છે કે ચાર્જર વગર iPhone વેચવો એ તેમના દેશના ગ્રાહક કાયદાનું ઉલ્લંઘન છે. એવી ચર્ચા છે કે Appleને આદેશ આપવામાં આવ્યો છે કે તેણે ગ્રાહકને $1075 (આશરે 82,139 રૂપિયા) ચૂકવવા પડશે.

Appleનું શું કહેવું છે? 
આ મામલામાં એપલે કહ્યું છે કે મોટાભાગના iPhone ગ્રાહકો પાસે પહેલેથી જ ચાર્જર છે અને આવી સ્થિતિમાં દરેક નવા iPhone સાથે ચાર્જર વેચવું યોગ્ય રહેશે નહીં અને તે પ્રકૃતિમાં નુકસાનકારક પણ સાબિત થઈ શકે છે. 

સ્માર્ટફોન બ્રાન્ડનું કહેવું છે કે આઇફોન સાથે ચાર્જર ન વેચવાથી તેઓ માત્ર ઇ-વેસ્ટ જ નહીં બચાવે, પરંતુ આઇફોન કમ્પાર્ટમેન્ટની ફૂટપ્રિન્ટ પણ ઘટાડે છે. તમને જણાવી દઈએ કે આ નિર્ણયથી એપલના ઘણા પૈસા પણ બચે છે.

હાલમાં એપલે બ્રાઝિલના આ કેસ પર કંઈ કહ્યું નથી કે તેઓ આ પૈસા આપશે કે નહીં. આ સિવાય બ્રાઝિલની કોર્ટ તરફથી કોઈ વાત બહાર આવી નથી.