અકસ્માત / ભાવનગર- અમદાવાદ હાઈવે પર ગમખ્વાર અકસ્માત, કાર અને ટ્રક વચ્ચેની ટક્કરમા પાંચ લોકોના મોત

• ભાવનગર- અમદાવાદ શાર્ટ રૂટ પર અકસ્માત
• અકસ્માતમાં પાંચ લોકોના મોત
• કાર અને ટ્રક વચ્ચેની સર્જાયો અકસ્માત

રાજ્યમાં રોજે રોજ અકસ્માતની ઘટના સામે આવતી હોય છે. વાહન ચાલકો ટ્રાફિક અને આર ટી ઓ વિભાગના નિયમો જાણે નવે મુકી ચલાવતા હોય તેવું લાગી રહ્યું છે. ક્યાંક વાહનની ઓવર સ્પીડના કારણે તો ક્યાંય વાહનની ટેકનીકલ ખામીના કારણે અકસ્માત સર્જાય છે. ભાવનગર - અમદાવાદ શાર્ટ રૂટ પર મોટી દર્ઘટના સર્જાઈ છે, કાર અને ટ્રક વચ્ચે અકસ્માતમાં પાંચ વ્યક્તિના મોત થયા છે. કાર અને ટ્રક ધડાકાભેર અથડાતા કાર સવાર પાંચ લોકના મૃત્યુ થયા છે. ભાલ વિસ્તારના અધેલાઈ ચોકડી નજીક માર્ગ અકસ્માત સર્જાયો છે. અકસ્માતમાં ભોગ બનેલો પરિવાર રાજસ્થાનનો હોવાની માહિતી મળી રહી છે. અકસ્માતમાં કારમાં સવાર બે મહિલા અને ત્રણ પુરૂષના ઘટનાસ્થળે મોત થયા છે. ઘટનાની જાણ થતા પોલીસની ટીમ ઘટના સ્થળે પહોંચી છે.

અકસ્માતમાં પાંચના મોત
ભાવનગર - અમદાવાદ શાર્ટ રૂટ પર અકસ્માત સર્જાયો હતો જેમાં ઘટના સ્થળે જ પાંચ લોકોના મૃત્યુ થયા છે. ઘટનામાં કાર સવાર બે મહિલા અને ત્રણ પુરૂષના ઘટનાસ્થળે જ મોત થયા છે. સમગ્ર ઘટનાની પોલીસને જાણ થતાં ઘટના સ્થળે પહોંચી હતી. ટ્રક અને કાર સામ સામ અથડાતા અકસ્માત સર્જાયો હતો.

ભોગ બનેલો પરિવાર રાજસ્થાનનો
કાર સવારમાં એકજ પરિવાર હોવાની માહિતી પ્રાપ્ત છે તેમજ કાર સવાર સૌ લોકો રાજસ્થનના હોવાની પણ માહિતી મળી રહી છે. સમગ્ર ઘટનાને લઈ પોલીસે તપાસ હાથ ધરી છે