પૂરી દુનિયાનો પ્રવાસ કરવાનું તો દરેક માનવીનું સપનું હોય છે અને આ સપનું લોકો પૂર્ણ પણ કરી શકે છે. પરંતુ અંતરિક્ષની યાત્રાનું સપનું જોયા બાદ તેને પૂર્ણ કરવું એ દરેક લોકો માટે કદાચ સંભવ નથી પણ હોતું.
ખાસ રીતે જોઇએ તો સામાન્ય લોકો માટે. પરંતુ હવે સામાન્ય લોકોનું પણ સપનું પણ સાચું થવા જઇ રહ્યું છે. હવે અંતરિક્ષમાં પણ એક હોટલ હશે. અંતરિક્ષની આ પ્રથમ હોટલને 2021માં લોન્ચ કરવામાં આવશે. લોકો અહીં વર્ષ 2022 બાદ રહેવા પણ આવી શકે છે.
2022થી લોકો જઇ શકશેઃ
આ હોટલમાં વર્ષ 2022થી લોકો જઇ શકશે. અહીં આવવા માટે એક ખાસ પ્રકારની સ્પેલ ટ્રાવેલ ટૂર હશે. જે અંતર્ગત હોટલમાં 6 યાત્રીઓ રોકાઇ શકશે. આ 12 દિવસની સ્પેસ ટૂર હશે. હોટલમાં રોકાવવા માટે એક વ્યક્તિનું ભાડું 67 કરોડ રૂપિયાનું રહેશે. અહીં યાત્રી ઝીરો ગ્રેવિટીની સ્થિતિમાં રહેશે.
અમેરિકી કંપની કરશે નિર્માણઃ
ઑરોરા સ્ટેશન નામની આ હોટલનું નિર્માણ અમેરિકી કંપની ઓરાયન સ્પાન કરશે. આ કંપનીનાં સંસ્થાપક અને સીઇઓ ફ્રેંક બંજર છે. બંજરનું કહેવું એમ છે કે તેઓનો ઉદ્દેશ્ય એક સામાન્ય માનવી પણ અંતરિક્ષ સુધી પહોંચી શકે તેવો છે. તેઓએ કહ્યું કે અંતરિક્ષમાં બનતી આ હોટલમાં જતા પહેલાં યાત્રીઓને 2 વર્ષની ટ્રેનિંગ આપવામાં આવશે.
16 વખત લોકો સૂર્યોદય નિહાળી શકશેઃ
આ સ્પેસ હોટલમાં આવનારા લોકો 24 કલાકમાં 16 વાર સૂર્યોદય અને સૂર્યાસ્ત જોઇ શકશે. આવું એટલાં માટે કેમ કે આ હોટલ 90 મિનીટમાં ધરતીનું એક ચક્કર લગાવી લેશે. આ હોટલને પૃથ્વીથી 321 કિ.મી દૂર અંતરિક્ષ કક્ષામાં સ્થાપિત કરવામાં આવશે.
ખાવાનું પકાવવા પર કરાઇ શોધઃ
આ હોટલને લઇને એક શોધ પણ કરવામાં આવી. આ શોધમાં અભ્યાસ કરવામાં આવ્યો કે હોટલની કક્ષામાં ફરતી વેળાએ આમાં ખાવાનું પણ પકાઇ જશે કે નહીં. સૌથી ખાસ ને વિશેષ વાત તો એ છે કે જે યાત્રી ત્યાં જશે તેઓ પૃથ્વી પર રહેતા પોતાનાં પરિવારજનો સાથે લાઇવ ચેટ પણ કરી શકશે. તેઓને ત્યાં વાયરલેસ ઇન્ટરનેટની સુવિધા પ્રદાન કરવામાં આવશે.
35 ફૂટ લાંબી આ હોટલમાં હશે એક ખાસ બારઃ
આ હોટલની લંબાઇ 35 ફૂટ અને પહોળાઇ 12 ફૂટ રહેશે. આ હોટલની ખાસિયત એ હશે કે અહીં એક બાર પણ હશે. પ્રાઇવેટ જેટ જેવી આ હોટલમાં ઉચ્ચ ગુણવત્તાવાળું સ્પેસ ફૂડ આપવામાં આવશે. ટેક્સાસની કંપની એક્સિયમ સ્પેસ અંતરિક્ષમાં વર્ષ 2024 સુધી એક કમર્શિયલ સ્પેસ સ્ટેશન સ્થાપિત કરવાની યોજના પણ બનાવી રહેલ છે.