હિંસા / કાબુલ એરપોર્ટ પર બુરખો ન પહેરેલ મહિલાઓ પર તાલિબાનોનું ફાયરિંગ, 5 લોકોના મોતની આશંકા

• બુરખો ન પહેરેલ મહિલાઓ પર ફાયરિંગ 
• કાબુલ એરપોર્ટ પર તાલિબાને કર્યું ફાયરિંગ 
• અમેરિકા સેનાએ આપ્યો વળતો જવાબ 

અફઘાનિસ્તાનમાં તાલિબાને કબ્જો મેળવી લીધા બાદ હવે અહીયા મોતનું તાંડવ શરૂ થઈ ગયું છે. તાલાબનના ખોફને કારણે લોકો દેશ છોડીને ભાગી રહ્યા છે. ત્યારે હાલ એવા સમાચાર સામે આવી રહ્યા છે કે કાબુલ એરપોર્ટ પર તાલિબાનોએ જે મહિલાઓએ બુરખો નહોતો પહેર્યો તેમના પર ફાયરિંગ કર્યું. જેથી તેના વળતા જવાબમાં અમેરિકાની સેના દ્વારા પણ ફાયરિંગ કરવામાં આવ્યું છે. 

This is, perhaps, one of the saddest images I've seen from #Afghanistan. A people who are desperate and abandoned. No aid agencies, no UN, no government. Nothing. pic.twitter.com/LCeDEOR3lR

— Nicola Careem (@NicolaCareem) August 16, 2021

5 લોકોના મોતની આશંકા 

સમગ્ર મામલે 5 લોકોની મોત થયા હોવાના સમાચાર સામે આવી રહ્યા છે. જોકે હાલમાં એરપોર્ટ એમરિકાના સૈનિકોના કંટ્રોલમાં છે. કાબુલ છોડવા માટે હજારોની સંખ્યામાં લોકો એરપોર્ટ પર પહોચી ગયા છે. કારણકે કાબુલના રસ્તાઓ પર તાવિબાનીઓ બંદૂક સાથે ફરી રહ્યા છે. સાથેજ તેમણે ઘણી બદી જગ્યાએ લૂંટ કરી છે, તેવી માહિતી પણ સામે આવી છે. 

તાલિબાનનો સંપૂર્ણ કબ્જો 

અફઘાનિસ્તાનમાં તાલિબાને સંપૂર્ણ કબ્જો કરી લીધા બાદ પરિસ્થિતી અહીયા સૌથી ખરાબ સર્જાઈ છે. ખાસ કરીને એરપોર્ટ પર લોકોની ભારે પ્રમાણમાં ભીડ જોવા મળી રહી છે. ભીડને કાબૂમાં કરવા માટે અમેરિકાના સૈનિકો દ્વારા ફાયરિંગ પણ કરવામાં આવ્યું હતું. પરિસ્થિતી એટલી ખરાબ છે કે એરપોર્ટ પર કોઈ વીઝા પણ ચેક નથી કરી રહ્યું. 

Another day begins in Kabul, a sea of people rushing into the Kabul airport terminal. #AFG pic.twitter.com/UekpGJ2MWd

— Jawad Sukhanyar (@JawadSukhanyar) August 16, 2021

રાષ્ટ્રપતિ ભવન પર કબ્જો 

કાબુલમાં તાલિબાને કબજો કરી લીધો છે. રાષ્ટ્રપતિ અશરફ ગની અને ઉપરાષ્ટ્રપતિ અમીરુલ્લાહ સાલેહ પોતાના નજીકના સાથીઓ સાથે દેશ છોડી દીધો. બાદમાં તાલિબાને રાષ્ટ્રપતિ ભવન પર કબજો કરી લીધો હતો . મોડી રાત્રે અનેક વીડિયો પણ સામે આવ્યા હતા. તાલિબાન કાબુલના માર્ગો પર નજરે પડ્યા હતા. તાલિબાન નેતા મુલ્લા બરાદરે તમામ લોકોની સુરક્ષાની બાંહેધરી આપી.  બરાદરે કહ્યું કે થોડા દિવસમાં બધુ નિયંત્રણમાં લઈ લેવાશે.

Another Saigon moment: chaotic scenes at Kabul International Airport. No security. None. pic.twitter.com/6BuXqBTHWk

— Saad Mohseni (@saadmohseni) August 15, 2021

અમેરિકા પણ પરિસ્થિતીથી પરેશાન 

આ પરિસ્થિતીને જોતા અમેરિકા, બ્રિટેન અને ફ્રાંન્સ જેવા મોટા દેશો પણ હેરાન પરેશાન નજરે પડી રહ્યા છે. તેઓ તેમના નાગરીકોને અફઘાનિસ્તાનથી નિકાળવા માટે સ્પેશિયલ ફ્લાઈટની સેવા આપી રહ્યા છે. ભારતે પણ ગત રવિવારે અફઘાનિસ્તાનમાંથી આપણા નાગરિકોને બહાર કાઢ્યા હતા.