અમદાવાદમાં ફાયરીંગ મામલોઃ ફરિયાદી રાહુલ સોનીએ રચ્યું આખું તરખટ CCTVમાં પર્દાફાશ

અમદાવાદ: શ્યામલ ચાર રસ્તા નજીક નિશાંત વિભાગ-2માં વિચિત્ર ઘટના સામે આવી હતી. ફરિયાદી રાહુલ સોનીનું કહેવું છે કે તેણે હિપોલીન પાઉડર કંપનીના ડિરેટરો વિરુદ્ધમાં છેતરપિંડીનો ગુનો દાખલ કરાવ્યો હતો. તેની અદાવતમાં આરોપીઓ બંદુક લઇને તેના ઘરે પહોચ્યા હતાં. 

ત્રણ આરોપીઓ વર્ના કારમાં આવ્યાં હતાં અને મને જોતા જ કાંઇ પણ બોલ્યા વગર જ બંદુક મુકીને જતા રહ્યાં હતા. ત્યારે આ મામલે પોલીસે કહ્યું કે ફરિયાદી રાહુલે જ પોતાના ઘર પાસે બંદૂક નાંખીને તેણે જ આખી વાત ઉપજાવી દીધી હતી. ઘરની આસપાસના સીસીટીવી ફૂટેજ જોતા જ રાહુલની પોલ ખુલી ગઇ હતી. 

પોલીસની જો વાત માનીએ તો ફરિયાદી રાહુલ સોનીએ આ આખું તરકટ યોજ્યું હતું. આનંદનગર પોલીસે આ સમગ્ર મામલે રાહુલ સોનીની અટકાયતી કરી હતી.