અફરાતફરી / VIDEO: ચૂંટણીમાં જીતથી સમર્થકો ભૂલ્યા ભાન,આડેધડ આતશબાજીમાં આગ, MS યુનિ.ની ઘટના

• જીતની ખુશીમાં ઉમેદવારોના ટેકેદારો ભૂલ્યા ભાન
• આડેધડ આતશબાજીના કારણે લાગી આગ
• MS યુનિવર્સિટીની  હેડ ઓફિસ ખાતે લાગી આગ
   

આજે વડોદરાની એમ એસ યુનિવર્સિટીમાં પ્રતિષ્ઠાના જંગ સમાન સેનેટની ચૂંટણીમાં ફરી એકવાર સત્તાધારી જૂથનો વિજય થયો હતો જ્યારે ભાજપ સમર્થિત સંકલન સમિતિનો કારમો પરાજય થયો હતો. પણ આજે વિજયના ઉન્માદમાં જીતેલા ઉમેદવારો અને તેમના સમર્થકો ભાન ભૂલ્યા હતા. આડેધડ આતશબાજીના કારણે આગ લગાતા થોડા સમય માટે દોડધામ મચી હતી. 

આડેધડ આતશબાજીના કારણે લાગી આગ
વડોદરાની MS યુનિની સેનેટની ચૂંટણીમાં જીતેલા ઉમેદવારોની MS યુનિવર્સિટીની હેડ ઓફિસ ખાતે આતશબાજી કરી રહ્યા હતા તે સમયે આગની ઘટના બનતા અફરાતફરી મચી હતી.જીતના ઉન્માદમાં આડેધડ ફટાકડા ફોડવામાં આવ્યા હતા. જેથી MS યુનિવર્સિટીની હેડ ઓફિસ નજીક આવેલા ગાર્ડન વિસ્તારમાં ઝાડી ઝાંખરમાં આગભભૂકી ઉઠી હતી. જોત જોતમાં આગે એક વૃક્ષને ઝપેટામાં લીધૂ હતું જે બાદ ફાયર વિભાગને કોલ કરવામાં આવતા આગ પર કાબૂ મેળવવામાં આવ્યો હતો.સ 

વડોદરાની એમ એસ યુનિવર્સિટીમાં સેનેટની રજિસ્ટર્ડ ગ્રેજ્યુએટ 14 બેઠકો છે, જેમાંથી  5 બેઠક બિનહરીફ થઈ હતી, જ્યારે 9 બેઠક પર ચૂંટણી થઈ હતી, જેમાં ગઈ કાલે યુનિવર્સિટી હેડ ઓફિસ પર મતગણતરી હાથ ધરાઈ, જેમાં સત્તાધારી જૂથના ત્રણ ઉમેદવારો, ભાજપ સમર્થિત સંકલન સમિતિના બે ઉમેદવારો, કોંગ્રેસ સમર્થિત ત્રણ ઉમેદવારો, અને સંકલન સમિતિ અને સત્તાધારી જૂથના એક કોમન ઉમેદવારની જીત થઈ. યુનિવર્સિટી હેડ ઓફિસ પર ઉમેદવારોની જીત બાદ સમર્થકોએ ઉજવણી કરી, જેમાં ફટાકડા ફોડ્યા, એકબીજાને મીઠાઈ ખવડાવી, ગુલાબના ફૂલોના વરસાદ કર્યો, સાથે જ ડીજેના તાલે ડાન્સ પણ કર્યો.

ચૂંટણીમાં 6500 જેટલા મતદારોએ મતદાન કર્યું હતું.અને બેલેટ પેપરથી ચૂંટણી યોજાઈ હતી.સેનેટ ચૂંટણીની મતગણતરીના પગલે યુનિવર્સિટી કેમ્પસમાં પોલીસનો ચુસ્ત બંદોબસ્ત પણ ગોઠવવામાં આવ્યો હતો.સેનેટની ચૂંટણીમાં પ્રથમવાર ભાજપે ઉમેદવારો ઊભા રાખ્યા હતા, જેના કારણે શહેર ભાજપ પ્રમુખ ડો. વિજય શાહ અને સત્તાધારી જૂથના ભાજપ નેતા જીગર ઈનામદાર આમને સામને આવ્યા હતા, ચૂંટણીના પરિણામો બાદ વિજય શાહને નમતું જોખવાનો વારો આવ્યો છે, કેમ કે જીગર ઈનામદારે યુનિવર્સિટીમાં ફરી એકવાર પોતાનો દબદબો સાબિત કર્યો અને વિજય શાહના મનસૂબા પર પાણી ફેરવી નાખ્યું.

કંઈ ફેકલ્ટીમાં કોણ જીત્યું તેના પર નજર કરીએ તો.

• 1  મેનેજમેન્ટ ફેકલ્ટી - સત્યેન કુલાબકર - બિનહરીફ
• 2. જર્નાલિઝમ ફેકલ્ટી - સરલ પટેલ - બિનહરીફ
• 3. એજ્યુકેશન એન્ડ સાયકોલોજી - રાયસિંગ ડાયમા - બિનહરીફ 
• 4. મેડિસિન ફેકલ્ટી - ડો. મિતેષ શાહ - બિનહરીફ
• 5. સાયન્સ ફેકલ્ટી - હેમલ મહેતા- બિનહરીફ
• 6. કોમર્સ ફેકલ્ટી - અમર ઢોમશે 
• 7. આર્ટ્સ ફેકલ્ટી - દિનેશ યાદવ  8. ટેકનોલોજી ફેકલ્ટી - નરેન્દ્ર રાવત 
• 9.ફાઇન આર્ટ્સ ફેકલ્ટી - બિપીન પટેલ
• 10.  સોસિયસલ વર્ક ફેકલ્ટી - કપિલ જોશી 
• 11. લો ફેકલ્ટી - અવધૂત સુમન
• 12. પર્ફોર્મિંગ આર્ટ્સ ફેકલ્ટી - વિનોદ પટેલ 
• 13. ફાર્મસી ફેકલ્ટી - હસમુખ વાઘેલા
• 14. ફેમિલી એન્ડ કોમ્યુનિટી સાયન્સ ફેકલ્ટી - અભિલાષા અગ્રવાલ