અમદાવાદ / પરિમલ ગાર્ડન પાસેના કોમ્પલેક્ષમાં આગ, ફાયર જવાનો કાચ તોડી અંદર પ્રવેશ્યા, 2 મહિલા અને એક બાળકનો આબાદ બચાવ

• અમદાવાદમાં પરિમલ ગાર્ડન પાસે લાગી આગ
• ક્રેન મારફતે આગને બુઝાવવાનો પ્રયાસ
• સર્વર રૂમમાં લાગેલી આગ વિકરાળ બની

અમદાવાદના પરિમલ ગાર્ડન પાસે આગ લાગ્યાની ઘટના સામે આવી છે. વિગતો મુજબ આજે બપોરના સમયે એક કોમ્પલેક્ષમાં આગની ઘટના સામે આવ્યું છે. આગ લગતા અફરતફરીના માહોલ વચ્ચે ફાયર બ્રિગેડની 4 ગાડીઓ તાત્કાલિક ઘટના સ્થળે દોડી આવી હતી. જ્યાં ક્રેન મારફતે આગને બુઝાવવાનો પ્રયાસ કરવામાં આવ્યો હતો. 

 

કોમ્પ્લેક્ષના સર્વર રૂમમાં લાગેલી આગ વિકરાળ બની

અમદાવાદમાં પરિમલ ગાર્ડન પાસે આવેલ એપલ હૉસ્પિટલ વાળા કોમ્પલેક્ષમાં આગ લાગી હતી. ઘટનાને લઈ ફાયર બ્રિગેડની 4 ગાડીઓ ઘટના સ્થળે પહોંચી હતી. આ તરફ સર્વર રૂમમાં લાગેલી આગ વિકરાળ બનતા ફાયર જવાનો કાચ તોડી અંદર પ્રવેશ્યા હતા. જોકે અગ્નિ ઘટનામાં હજી સુધી કોઇ જાનહાનિના સમાચાર સામે આવ્યા નથી. 

2 મહિલા અને એક બાળકનું કરાયું રેસ્ક્યૂ

પરિમલ ગાર્ડન પાસે આવેલ એપલ હૉસ્પિટલ વાળા કોમ્પલેક્ષમાં આગ લગતા અફરાતફરીનો માહોલ સર્જાયો હતો. આ તરફ ફાયર બ્રિગેડના જવાનો દ્વારા તાત્કાલિક સ્થળ પર પહોંચી આગ ઉપર કાબૂ મેળવવાનો પ્રયાસ કરવામાં આવ્યો હતો. જોકે આ ઘટનામાં ફાયરના જવાનો દ્વારા 2 મહિલા અને એક બાળકનું કરાયું રેસ્ક્યૂ પણ કરવામાં આવ્યું છે. સૂત્રો મુજબ આ જ કોમ્પલેક્ષમાં અગાઉ પણ આગ લાગી હતી.