સુરતના પાંડેસરા GIDCમાં એસિટો નામની કેમિકલની ફેક્ટરીમાં આગ લાગવાની ઘટના બની છે. કેમિકલની ફેકટરીમાં આગ લાગતા સમગ્ર વિસ્તારમાં અફરા-તફરીનો માહોલ જોવા મળી રહ્યો છે. આ આગની જાણ ફાયર વિભાગને કરવામાં આવતા ફાયર વિભાગની 5થી વઘુ ફાયર ફાયટરની ગાડીઓ ઘટના સ્થળે પહોંચીને આગ પર કાબૂ મેળવાની કામગીરી હાથ ધરી છે.
પાંડેસરાના GIDCમાં લાગી આગ
કેમિકલ ફેકટરીમાં લાગી આગ
5થી વઘુ ફાયર ફાયટરો ઘટના સ્થળે
11.40 વાગ્યાની આસપાસ ધડાકા સાથે ફેક્ટરીમાં આગ લાગી. સ્થાનિકો મુજબ બે ધડાકા સાથે ફેક્ટરીમાં આગ લાગી હતી. કંપનીમાં છે નાઈટ્રોઝન પેરોક્સાઈડ નામનું કેમિકલ. આગ લાગતા અફરા-તફરીનો માહોલ સર્જાયો.
સ્થાનિકોએ ફાયર વિભાગને કરી હતી જાણ
ફાયર વિભાગની ટીમના આગને કાબૂમાં લેવાના પ્રયાસ. કેમિકલ હોવાથી આગે વિકરાળ સ્વરૂપ ધારણ કર્યું
સ્થાનિકોને તકલીફ
સ્થાનિકોએ શ્વાસમાં તકલીફ થઈ રહી હોવાની ફરિયાદ કરી. બોઈલર ફાટવાથી આગ લાગી હોવાની આશંકા સેવાઈ રહી છે. પવનની વિરૂદ્ધ દિશાથી આગને કાબૂમાં લેવાના પ્રયાસ કરાઈ રહ્યો છે. કેમિકલ હોવાથી ફાયર વિભાગની મોઢા પર માસ્ક પહેરીને કામગીરી કરી રહ્યા છે.
બચાવ કામગીરી શરૂ
આ આગની જાણ ફાયર વિભાગને કરવામાં આવતા ફાયર વિભાગની 5થી વઘુ ફાયર ફાયટરની ગાડીઓ ઘટના સ્થળે પહોંચીને આગ પર કાબૂ મેળવાની કામગીરી હાથ ધરી છે.
ઉઠી રહ્યા છે પ્રશ્નો
કંપનીમાં ફાયર સેફ્ટીના સાધનો હતા કે નહીં?
આગ લાગ્યા બાદ સંચાલકો કેમ દેખાતા નથી?
ફાયર સેફ્ટી ન હતી તો, અત્યાર સુધી કાર્યવાહી કેમ નહી?