આગ / મહેસાણામાં હાઇવે પર કારમાં લાગી આગ, સદનસીબે કોઈ જાનહાની નહિ

મહેસાણામાં હાઈવે પર કારમાં આગ લાગવાની ઘટના સામે આવી છે. વિજાપુરના મોતીપુરા ફાટક પાસે આગ લાગી હતી. ફાટક પાસે કારમાં એકાએક આગ લાગતા અફરા-તફરીનો માહોલ સર્જાયો હતો. જોકે, સદનસીબે ઘટનામાં કોઈ જનહાની થઈ નથી. આગ લાગતા કાર બળીને ખાખ થઈ હતી. આ ઘટનાની જાણ થતા ફાયર વિભાગના અધિકારીઓ ઘટનાસ્થળે દોડી આવ્યા હતા. ફાયર બ્રિગેડના અધિકારીઓએ ભારે જહેમત બાદ કાબૂ મેળવ્યો હતો.