ઘટના / અમદાવાદના બાપુનગરમાં ભયંકર આગ: ફાયરબ્રિગેડની 20 ગાડીઓ કામે લાગી, ફટાકડાની દુકાનો હોવાથી આફત વધી

• બાપુનગરના વિકાસ એસ્ટેટમાં આગથી દોડધામ
• મહામહેનતે આગ પર કાબુ મેળવવ્યો
• રહીશોમાં ગભરાટનો માહોલ છવાયો 

અમદાવાદના બાપુનગરના વિકાસ એસ્ટેટમાં ફટાકડાના ગોડાઉનમાં ભીષણ આગ લાગી છે. વિકરાળ આગ પ્રસરીને બાજુના ગોડાઉન સુધી પહોંચી હતી તેમજ બાળકોને ખુલ્લા વિસ્તારમાં લઇ જવા સુચના આપાઈ હતી અને ઘટનાસ્થળની આસપાસ રહેઠાણોને ખાલી કરવા પણ સુચના અપાઈ હતી.

અમદાવાદના બાપુનગરમાં વિકાસ એસ્ટેટ વિભાગમાં લાગી આગ | ફાયરબ્રિગેડની 20થી વધુ ગાડીઓ ઘટનાસ્થળે, ફટાકડાની દુકાનોમાં ફેલાઈ આગ#Ahmeadabad #bapunagar #VTVGujarati #Fireaccident pic.twitter.com/gvfCaewc8V

— VTV Gujarati News and Beyond (@VtvGujarati) May 10, 2023

આસપાસના વિસ્તારની અવર-જવર બંધ
આગ પર રોબોટિક સિસ્ટમથી પાણીનો છંટકાવ કરવામાં આવી રહ્યો છે તેમજ ACP -DCP સહિતના અધિકારીઓ ઘટનાસ્થળે દોડી આવ્યા હતાં તેમજ મનપા ડે-કમિશનર પણ ઘટનાસ્થળે પહોંચી તાગ મેળવી રહ્યાં છે. આગ લાગતા આસપાસના વિસ્તારોમાં ભયનો માહોલ છવાયો છે. આગના કારણે વારંવાર ફટાકડા ફુટી રહ્યા છે. સુરક્ષાને ધ્યાને લઇ આસપાસના વિસ્તારની અવર-જવર બંધ કરવામાં આવી તેમજ 5થી વધુ એમ્બ્લુયન્સ સ્ટેન્ડ બાય કરાઇ હતી. 

સ્ટેડિંગ કમિટીના ચેરમેનનું નિવેદ
જે સમગ્ર મામલે સ્ટેડિંગ કમિટીના ચેરમેનનું નિવેદન સામે આવ્યું છે. તેમણે કહ્યું કે, ફાયર વિભાગની વધુ ગાડીઓ બોલવવામાં આવી તેમજ આસપાસનો વિસ્તારને ખાલી કરાયા છે.

25થી વધુ દુકાનો સળગી
પાપ્ત વિગતો મુજબ ભીષણ આગના કારણે 25થી વધુ દુકાનો સળગી હતી અને જેના પગલે આકાશમાં ધુમાડાના ગોટે ગોટા જોવા મળ્યા હતાં. ગંભીર ભીષણ આગના પગલે ફાયર વિભાગે મેજર કોલ જાહેર કર્યો હતો.જો કે, ફાયર વિભાગે મહા મહેનતે આગ પર કાબૂ મેળવી લીધો છે.ધડાકા ભેર ફટાકડા ફૂટતા આસપાસના રહીશોમાં ગભરાટનો માહોલ છવાયો હતો.