નિવેદન / Union Budget 2023: કંઇક આવું હશે દેશનું આગામી બજેટ, નાણામંત્રી નિર્મલા સીતારમણે જણાવ્યો માસ્ટર પ્લાન

• નાણામંત્રી સીતારમણનું બજેટ પર મોટું નિવેદન
• સાર્વજનિક ખર્ચના દમ પર વિકાસને વેગ આપતું રહેશે
• જાહેર ખર્ચ વધારવા પર ભાર મૂકશે સરકાર: નાણામંત્રી

દેશના નાણામંત્રી નિર્મલા સીતારમણે શુક્રવારે આ વાતનો સંકેત આપ્યો કે તેમનું આગમી બજેટ કેવું હશે. તેમણે કહ્યું કે, આગામી બજેટ જાહેર ખર્ચના દમ પર વિકાસને વેગ આપતું રહેશે. તેમણે કહ્યું કે, તે અગાઉના બજેટના મહત્વના મુદ્દાઓને અનુસરશે. નાણામંત્રી એપ્રિલથી શરૂ થતા નાણાકીય વર્ષ માટે 1 ફેબ્રુઆરીએ તેમનું સતત પાંચમું બજેટ રજૂ કરશે.

2022-23 માટે મૂડીખર્ચમાં કર્યો વધારો
નાણામંત્રી તરીકે નિર્મલા સીતારમણને COVID-19 મહામારીને કારણે ઉદભવતા પડકારોનો સામનો કરવો પડશે. નાણામંત્રીએ મોટા પાયે સાર્વજનિક ખર્ચના કાર્યક્રમો ચલાવ્યા હતા. નાણામંત્રીએ માંગને વેગ આપવા માટે નાણાકીય વર્ષ 2022-23 માટે મૂડીખર્ચને 35.4 ટકા વધારીને 7.5 લાખ કરોડ રૂપિયા કરી દીધો હતો, જ્યારે ગત વર્ષે મૂડીખર્ચ 5.5 લાખ કરોડ રૂપિયા હતો. 

અનુભવો ખૂબ જ પ્રેરણાદાયી અને પ્રેરકઃ નાણામંત્રી 
નાણામંત્રીએ કહ્યું કે, ભૂતકાળના અનુભવો ખૂબ જ પ્રેરણાદાયી અને પ્રેરક છે. ખાસ કરીને એવા સમયે જ્યારે આપણે દેશ માટે આગામી બજેટ તૈયાર કરી રહ્યા છીએ. એવું બજેટ કે જે અગાઉના બજેટની ભાવનાનું પાલન કરશે. તેમણે કહ્યું કે, આ વખતે પણ અમે તે ટેમ્પલેટ સેટ કરવા જઈ રહ્યા છીએ જે પહેલા સેટ કરવામાં આવ્યા હતા.

Watch: Smt @nsitharaman's full keynote address at the 95th @ficci_india's Annual Convention and AGM in New Delhi. #FICCIAGM #IndiaAt100 @FinMinIndia @PIB_Indiahttps://t.co/vPMfA3KxPr

— NSitharamanOffice (@nsitharamanoffc) December 16, 2022

અનેક મોરચે છે પડકારો 
પ્રતિકૂળ વૈશ્વિક પરિસ્થિતિઓ અને વધતા જતા ફુગાવાને કાબૂમાં લેવા વૈશ્વિક સ્તરે વધતા વ્યાજ દરોને કારણે તાજેતરના મહિનાઓમાં જીડીપી વૃદ્ધિ ધીમી પડી છે. વિકાસ દરને પાટા પર લાવવા માટે સરકાર ઘણા મોરચે કામ કરવાનો પ્રયાસ કરી રહી છે. RBIએ 2022-23 માટે વાસ્તવિક જીડીપી વૃદ્ધિ 6.8 ટકા, ત્રીજા ક્વાર્ટરમાં 4.4 ટકા અને ચોથા ક્વાર્ટરમાં 4.2 ટકા રહેવાનું અનુમાન લગાવ્યું છે.  ગ્રોસ ડોમેસ્ટિક પ્રોડક્ટ (GDP) વૃદ્ધિ 2023-24ના એપ્રિલ-જૂન સમયગાળા માટે 7.1 ટકા અને આગામી ક્વાર્ટર માટે 5.9 ટકા રહેવાનો અંદાજ છે.

નિર્મલા સીતારમણનું પાંચમું બજેટ
આગામી વર્ષના બજેટમાં ફુગાવાના ઊંચા સ્તરો, માંગમાં વૃદ્ધિ, રોજગારીનું સર્જન અને અર્થતંત્રને સતત 8 ટકાથી વધુના રાખવા જેવા મહત્વપૂર્ણ મુદ્દાઓનો સામનો કરવો પડશે. આ મોદી 2.0 સરકાર અને સીતારમણનું આ પાંચમું બજેટ હશે અને એપ્રિલ-મે 2024માં થનારી સામાન્ય ચૂંટણીઓ પહેલાનું છેલ્લું પૂર્ણ બજેટ હશે.