સમ(રસ)રાંગણ / ગુજરાતમાં ચૂંટણી પરિણામ વચ્ચે જંગઃ આ ગામોમાં બઘડાટી બોલી, હારેલા ઉમેદવારોએ જુઓ કેવા કર્યા પ્રપંચ

• પંચાયતની ચૂંટણીમાં ઘર્ષણ 
• જીંડવા ગામે પાક કાપી નાખ્યો 
• બોડેલીમાં પણ ઘર્ષણ થતા કેટલાકને ઈજા 

રાજ્યમાં સરપંચની ચૂંટણી બાદ મારઝૂડ, પ્રપંચ સહિતની ઘટનાઓ સામે આવી છે.  જેમાં વધારે બબાલ હારેલા ઉમેદવારોએ કરી છે. સુરતના દેવધ ગામ ખાતે ગ્રામ પંચાયતમાં મારામારી થઇ હતી. તો દહેગામના જીંડવા ગામે હારેલા ઉમેદવારના સમર્થકોએ ખેતરમાં ઉભા પાકને કાપી નાખ્યો હતો. તો જામકંડોરણા પંથકના ચિત્રાવડમાં જીતની ખુશીમાં ઢોલીને પીવડાવ્યો દારૂ પીવડાવવામાં આવ્યો હતો. આ ઉપરાંત ખુલ્લેઆમ દારૂનું વિતરણ કરવામાં આવ્યું હતું. સુરતના દેવધ ગામે એક ચોકક્કસ સમાજના લોકોએ હુમલો કરી મહિલાની ગાડીમાં તોડફોડ કરી હતી. 

જીતની ખુશીમાં ઢોલીને પીવડાવ્યો દારૂ

રાજકોટમાં જામકંડોરણા પંથકના ચિત્રાવડમાં વિજય સરઘસનો વીડિયો સોશિયલ મીડિયામાં ખૂબનો વાયરલ થઇ રહ્યો છે. દાવા કરાઇ રહ્યો છે કે જીતની ખુશીમાં ઢોલીને ખુલ્લેઆમ દારૂ પીવડાવવામાં આવી રહ્યો હતો. સરપંચ બન્યાની ખુશીમાં ખુલ્લેઆમ દારૂનું વિતરણ પણ થયું હતું. ત્યારે સવાલ એ છે કે જો વાયરલ વીડીયોમાં જો કોઈ તથ્ય હોય અને જો બોટલમાં દારૂ જ હોય તો કાર્યવાહી થવી જરૂર છે.સોશિયલ મીડિયામાં વાયરલ વીડિયોનું VTV પુષ્ટિ કરતું નથી

બોડેલીમાં બઘડાટી 

ગ્રામ પંચાયતની ચૂંટણી દરમિયાન માથાકૂટ થઇ હોવાની વધુ એક ઘટના  છોટાઉદેપુરના બોડેલીમાં સામે આવી છે. છોટાઉદેપુરના બોડેલીમાં ગ્રામ પંચાયતની ચૂંટણીમાં  મતદાન દરમિયાન બબાલ થઈ હતી. નર્મદાના ઔદ્યોગિક વસાહતના મતદાન મથકમાં 2 જૂથ આમને સામને આવી ગયા હતા લાકડીઓ સાથે બંને જૂથોના શખ્સોએ મારામારી કરતા માહોલ ગરમાયો હતો .બે જૂથ વછે મારામારી થતા પંચાયત ચૂંટણીમાં ફરજ પર રહેલા  શિક્ષિકાને ઈજાઓ પહોંચી હતી..બંને જૂથના કેટલાક શખ્સો ઈજાગ્રસ્ત થતાં સારવાર માટે  હોસ્પિટલ ખસેડવામાં આવ્યાં હતા..બોડેલી પોલીસે સમગ્ર મામલે ફરિયાદ નોધીને આગળની કાર્યવાહી હાથ ધરી હતી.