ઇત્તર પ્રવૃત્તિની ફી વાલી પાસેથી શાળા વસૂલી નહીં શકે રાજ્ય સરકારનો આદેશ

આપને જણાવી દઇએ કે તાજેતરમાં સુપ્રીમ કોર્ટે રાજ્યની ખાનગી શાળાઓ વાલીઓ પાસેથી વૈકલ્પિક પ્રવૃતિઓ માટેની ફી ફરજીયાત રીતે ઉઘરાવી નહીં શકે તેવો વચગાળાનો ચૂકાદો આપ્યા બાદ રાજયની રૂપાણી સરકારે મંગળવારે એક જાહેરનામું બહાર પાડ્યું હતું.

આ જાહેરનામામાં શાળાઓએ કઇ બાબતો-પ્રવૃતિને વૈકલ્પિક ગણવી તેની યાદી જાહેર કરવામાં આવી છે. જેમાં સ્વીમીંગ ઘોડાસવારી ટ્રાન્સપોર્ટેશન અને સ્ટેશનરી સહિત કુલ ૧૦ બાબતોનો સમાવેશ કરવામાં આવ્યો છે.

ઉલ્લેખનીય છે કે રાજ્ય સરકાર દ્વારા બહાર પાડવામાં આવેલ જાહેરનામાં મુજબ ઉપરની તમામ બાબતોની ફી શાળાઓ હવે રીતે વાલીઓ પાસેથી ઉઘરાવી શકાશે નહીં.