કોપ્પલૂ ગામમાં રહેનાર 45 વર્ષીય આનંદે પોતાના દિકરાનો જીવ બચાવવા માટે 300 કિમી સાયકલ ચલાવી
દિકરા માટે ચલાવી 300 કિમી સાયકલ
બેંગ્લોરથી દવા લઈને આવ્યા પિતા
સતત સાયકલ ચલાવવાના કારણે પગમાં પડી ગયા ફોલ્લા
કોરોનાના વધતા સંક્રમણના કારણે કર્ણાટકમાં લોકડાઉન લગાવી દીધું છે. લોકડાઉનના સમયમાં કર્ણાટકમાં એક ભાવુક કરી દે તેવો કિસ્સો સામે આવ્યો છે. એક પિતા પોતાના સંતાન માટે કેટલા હદ સુધી વેદનાઓ સહી શકે છે તેનું ઉત્તમ ઉદાહરણ કર્ણાટકમાં જોવા મળ્યું છે. પોતાના સંતાન માટે પિતાએ બધી જ મુશ્કેલીઓ પાર કરી અને તેનો જીવ બચાવવા માટે 300 કિમીની દૂરી સાઈકલ પર કાપી.
ગ્રામીણ વિસ્તારમાં પબ્લિક ટ્રેન્સપોર્ટ બંધ
કર્ણાટકમાં લોકડાઉન ચાલી રહ્યું છે. ગ્રામીણ વિસ્તારમાં પબ્લિક ટ્રેન્સપોર્ટ બંધ છે. મૈસૂરના એક ગામના રહેવાસીનો દિકરો 'સ્પેશિયલ ચાઈલ્ડ'ની શ્રેણીમાં આવે છે અને તેના દવાનો એક પણ ડોઝ છોડી ન શકાય. આનંદની પાસે એટલા પણ પૈસા નથી કે તે ખાનગી વાહન કરીને મેસૂરથી બેંગ્લોર શહેરમાં જઈ શકે. દરરોજે મજૂરી કરતા આનંદે પોતાના દિકરા માટે બેંગ્લોર જવાનું નક્કી કર્યું.
'સ્પેશિયલ ચાઈલ્ડ' છે આનંદનો દિકરો
હકીકતે આનંદનો દિકરો એક 'સ્પેશિયલ ચાઈલ્ડ' છે. પોતાના દિકરા માટોનો પ્રેમ અને તેની સારવાર માટે આનંદે જે કર્યુ તેની આખા વિસ્તારમાં ચર્ચા થઈ રહી છે. જ્યાં એક બાજુ લોકો તેની પ્રસંશા કરી રહ્યા છે તો બીજી બાજુ સિસ્ટમની આલોચના કરી રહ્યા છે. પોતાના દિકરાની દવા માટે આનંદે 300 કિમીની સફર સાઈકલ પર પસાર કર્યો અને તેના માટે બેંગ્લોરથી દવા લઈને આવ્યો છે. સતત આટલી સાયકલ ચલાવવાના કારણે તેના પગમાં ફોલ્લા પડી ગયા હતા. તેમ છતાં તે 300 કિમી સાયકલ ચલાવીને દિકરા માટે દવા લઈને આવ્યો.
18 વર્ષ સુધી સતત લેવાની છે દવા
આનંદે જણાવ્યું કે, "ડોક્ટરે મને ભરોશો અપાવ્યો હતો કે મારા દિકરાએ 18 વર્ષની ઉમંર સુધી સતત દવા લીધી તો તે અન્ય બાળકોની જેમ નોર્મલ થઈ જશે. માટે હું બીજો કોઈ ખ્યાલ કર્યા વગર જ સાયકલ પર બેંગ્લોર જવા માટે નિકળી પડ્યો." આનંદને આ દિકરા ઉપરાંત એક દિકરી પણ છે. આનંદે જણાવ્યુ કે સતત સાયકલ ચલાવવાના કારણે તેના કમરમાં દુખાવો થઈ રહ્યો છે. પગમાં ફોલ્લા પણ પડી ગયા છે.