કોરોના સંક્રમિત પિતાને ત્રણમાંથી એક પણ દિકરાએ ન આપી કાંધ, જેસીબી મંગાવીને કરી દીધા દફન
કોરોના સંક્રમિત પિતાને ત્રણમાંથી એક પણ દિકરાએ ન આપી કાંધ
જેસીબી મંગાવીને ખાડો ખોદીને દફન કરાવી દીધો મૃતદેહ
ગામના લોકોએ કહ્યું કોરોના નહીં ટીબીના લીધે હતી તબિયત ખરાબ
ઉત્તર પ્રદેશના સંતકબીરનગર જિલ્લામાંથી એક એવી ઘટના સામે આવી છે જેણે માનવ જાતને શરમમાં મુકી દીધી છે. અહીં એક વ્યક્તિનું મોત થયા બાદ પરિવારે કોરોનાની બીકે તેને કાંધ આપવાનો ઈનકાર કરી દીધો છે. મૃતકના ત્રણ દિકરા હતા પરંતુ ત્રણેયમાંથી એકેય દિકરાએ એવી હિંમત ન બતાવી. આટલું જ નહીં પિતાને કાંધ આપવાની જગ્યા પર દિકરાઓએ જેસીબી બોલાવીને ખાડો ખેદીને તેના શવને ડાટી દીધો. તેનો વીડિયો સોશિયલ મીડિયો પર ખૂબ વાયરલ થઈ રહ્યો છે. આખા વિસ્તારમાં આ ઘટનાની ખૂબ ચર્ચા થઈ રહી છે.
ખાનગી હોસ્પિટલમાં હતા દાખલ
આ મમાલો ઉત્તર પ્રદેશના સંતરકબીરનગર જિલ્લાનો છે. રામ લલિત નામના એક વ્યક્તિની તબિયત પાછલા ઘણા સમયથી ખરાબ હોવાના કારણે તેમના દિકરાઓએ તેમને ગોરખપુરના એક ખાનગી હોસ્પિટલમાં દાખલ કરાવ્યા હતા. જ્યાં તેમની સારવાર ચાલી રહી હતી. જોકે ઘણા દીવસો બાદ પણ તેમની તબિયતમાં કોઈ સુધાર ન હતો દેખાઈ રહ્યો.
બીજી હોસ્પિટલમાં લઈ જવાનું કહીને ઘરે લઈ આવ્યા
ડોક્ટરોએ જણાવ્યું કે તે કોરોનાની ઝપેટમાં આવી ગયા છે. દિકરાઓએ કોરોના હોવાની વાત સાંભળતાની સાથે જ તેમને બીજે ક્યાંક દાખલ કરવા છે તેમ કહીને હોસ્પિટલમાંથી રજા લઈ લીધી અને તેમને લઈને ઘરે આવી ગયા. થોડા દિવસો બાદ જ દર્દીનું મોત થઈ ગયું.
જેસીબી મંગાવીને મૃતદેહને દફન કરી દીધો
દર્દીના મોત થયા બાદ જ પરિવારના સદસ્યોએ તેમના મૃત શરીરને અડવાની જરૂર ન સમજી. ગામના અમુક લોકો આગળ આવ્યા પરંતુ કોરોનાના હોવાનું કહીને તેમણે ગામ લોકોને પણ આવવાનો ઈનકાર કરી દીધો. ત્યાર તેમણે જેસીબી મંગાવીને એક ખાડો ખોદી દીધો અને તે જેસીબી પર મૃતદેહને રાખીને તેને ખાડામાં દફન કરી દીધો.
પડોસીઓએ કહી કંઈક અલગ જ વાત
પડોસીઓએ જણાવ્યું કે મૃતક પાછલા ઘણા દિવસોથી ટીબીના દર્દી હતા. જેના કારણે તેમની તબિયત ખૂબ બગડી ગઈ હતી. બાળકોએ તેને કોરોના સંક્રમિત સમજીને તેમે મુખાગ્નિ આપવાનો ઈનકાર કરી દીધો અને તેમને જેસીબી દ્વારા જમીનમાં દફન કરાવી દીધા.
દિકરાઓએ લોકોની સુરક્ષા માટે આ પગલું ભર્યુ હોવાની કહી વાત
ત્યાં જ મૃતકના દિકરાએ જણાવ્યું કે ખાનગી હોસ્પિટલોએ કોરોના હોવાનું જણાવ્યું હતું. લોકોની સુરક્ષાને ધ્યાનમાં રાખીને કોઈને મૃતદેહ અડકવા દેવામાં ન આવ્યો. પિતાને ગામની બહાર ખેતરમાં દફનાવી દેવામાં આવ્યા છે. આ ઘટનાનો વીડિયો સોશિયલ મીડિયા પર ખૂબ વાયરલ થઈ રહ્યો છે.