ફાસ્ટેગને લઇને લોકોને મોટી રાહત મળી છે. એક ડિસેમ્બરથી તમામ વાહનો માટે ફાસ્ટેગ હોવાને લઇને હાલ 15 ડિસેમ્બર સુધી ટાળી દીધો છે. હાલ 15 ડિસેમ્બર સુધી નેશનલ હાઇવેના ટોલ પર લોકો હાલના નિયમ અંતર્ગત જઇ શકશે.
FasTag માંથી 15 ડિસેમ્બર સુધી છુટ આપવામાં આવી
FasTag માટે કેવા દસ્તાવેજ જોઈશે
ફાસ્ટેગ લગાવેલુ વાહન ચોરાઈ જાય તો શું કરવુ?
ફાસ્ટેગમાંથી 15 ડિસેમ્બર સુધી છુટ આપવામાં આવી
ડિઝિટલ પેમેન્ટને પ્રોત્સાહન આપવા માટે સરકારે 1 ડિસેમ્બરથી દરેક વાહનો પર ફાસ્ટેગ (FASTags) લગાવવું અનિવાર્ય કરી દીધું હતું. પરંતુ હવે 15 ડિસેમ્બર સુધી છુટ આપવામાં આવી છે. ફાસ્ટેગ માત્ર નેશનલ હાઇવે માટે છે. જો તમે સ્ટેટ હાઇવેના ટોલથી પસાર થાવ છો તો આ કામ નહીં કરે.
Government of India: It has been decided that charging of double User Fee from vehicles which enter FASTag lane without FASTag will start from 15th December instead of 1st December.
ફાસ્ટેગ એ એવી વ્યવસ્થા છે જેમાં રેડિયો ફ્રિકવન્સી આઈડેન્ટીફિકેશન ટેક્નોલોજી ( RFID )નો ઉપયોગ કરવામાં આવ્યો છે. જેમાં ટોલ પેમેન્ટ સીધા તેની સાથે સંકળાયેલા પ્રિ-પેઈડ એકાઉન્ટમાંથી થાય છે. ફાસ્ટેગને તમારા વીન્ડસ્ક્રીન ઉપર ચોંટાડવામાં આવે છે. તેના કારણે તમારા ફાસ્ટેગ સ્ટીકરની ફ્રીકવન્સી ટોલપ્લાઝમાં લાગેલ સેન્સર સાથે મેચ થઈ જાય છે અને વાહન ચાલક ત્યાંથી સડસડાટ પસાર થઈ શકશે.
કેટલી હશે ફાસ્ટેગની વેલિડિટી
ફાસ્ટેગ વેલિડીટી પાંચ વર્ષ સુધીની હોય છે. એક વાર ફાસ્ટેગ ખરીદ્યા બાદ તેને રિચાર્જ કરાવવાનું હોય છે. અથવા તમે ટોપ-અપ પણ કરાવી શકો છો.
ફાસ્ટેગ આખા દેશમાં ચાલશે
ફાસ્ટેગ એ વાહનોની નોન-સ્ટોપ આવન-જાવન માટેનું દેશવ્યાપી ટુલ છે. તે આખા દેશમાં ચાલી શકશે. વન નેશન વન ટોલ નું ઉત્તમ ઉદાહરણ છે. ઈલેક્ટ્રોનિક ટોલ કલેકશન સર્વિસિસ મારફતે ટોલ ફીના કેસલેસ પેમેન્ટની સગવડ મળશે.
FasTagના દર શું છે?
ફાસ્ટેગ માટે રૂા. 200ની ફી એકવાર ચૂકવવાની રહે છે. વાહનના પ્રકારના આધારે રિફન્ડેબલ સિક્યોરિટી ડિપોઝીટ નક્કી થાય છે.
FasTag ખરીદવા જોઈતા દસ્તાવેજ
ફાસ્ટેગ માટેની અરજીની સાથે:
1. વાહનનું રજીસ્ટ્રેશન સર્ટિફિકેટ ( RC )
2. વાહનના માલિકનો પાસપોર્ટ સાઈઝનો ફોટો
3. વાહનના માલિકની કેટેગરી મુજબ કેવાયસી ( KYC ) ડોક્યુમેન્ટ
જેમાં એક ફોટો આઈડી અને સરનામાના પુરાવો અને એક પાસપોર્ટ સાઈઝનો ફોટો ગ્રાફ ફરજિયાત છે.
ડ્રાઈવીંગ લાયસન્સ અથવા પાનકાર્ડ, પાસપોર્ટ, મતદાર આઈડી કાર્ડ, આધાર કાર્ડ,
ટોલની કપાત કેવી રીતે જાણી શકશો?
વાહનચાલક કોઈ પણ ટોલનાકેથી પસાર થશે કે તરત જ ટોલ ટ્રાન્ઝેક્શન થશે એ રજીસ્ટર મોબાઈલ નંબર ઉપર એસએમએસ ( SMS ) પહોંચી જશે. વળી વાહનચાલક રજીસ્ટેશન કરાવે તે પછી વેબસાઈટ ઉપર અમુક સમયાંતરે સ્ટેટમેન્ટ મેળવી શકશે અને પોતાના ફાસ્ટેગ એકાઉન્ટનું સ્ટેટસ પણ જાણી શકશે.
જો વેલીડ ફાસ્ટેગ વગરનું વાહન જો ફાસ્ટેગની લેનમાં પ્રવેશ કરશે તો વાહનચાલક પાસેથી લાગુ પડતી રકમની બમણી રકમ વસૂલવામાં આવશે. ટોલ પ્લાઝા ખાતે ફાસ્ટેગ ધરાવતુ વાહન રોકડ ચુકવણી કરીને કોઈ પણ લેન પસંદ કરી શકે છે. તેમ છતાં ફાસ્ટેગ માટે નક્કી કરેલી લેન ઉપર જ ચાલવુ હિતાવહ છે.
ફાસ્ટેગ રિચાર્જ કેવી રીતે કરશો
ફાસ્ટેગ એકાઉન્ટને ચેકથી અથવા ક્રેડિટ, ડેબીટ કે નેફ્ટ NERT/RTGS અથવા નેટબેંકીંગ મારફતે ઓનલાઈન રિચાર્જ કરાવી શકો છો. ફાસ્ટેગ એકાઉન્ટમાં રૂા. 1 લાખ સુધી રિચાર્જ કરાવી શકાય છે.
વાહનદીઠ જુદા જુદા રાખવા પડશે ફાસ્ટેગ એકાઉન્ટ
દરેક વાહન દીઠ ફાસ્ટેગ એકાઉન્ટ બનશે. એક વાહનનું ફાસ્ટેગ એકાઉન્ટ બીજાવાહન માટે વાપરી નહીં શકાય. વાહનની ક્ષમતા અનુસાર ફાસ્ટટેગ મળશે દાખલા તરીકે, લોડિંગ ટ્રક અને કારના ફાસ્ટેગ એકબીજામાં ન ચાલી શકે.
ફાસ્ટેગ ખોવાઈ જાય તો શું કરવુ?
ફાસ્ટેગ ખાવઈ જાય તો તમારે તુરંત જ ફાસ્ટેગ કસ્ટમર કેરમાં કોલ કરીને તમારૂ એકાઉન્ટ બ્લોક કરાવુ પડશે. અને નવું એકાઉન્ટ ખોલી તમારા ખાતાની રકમ તેમા ટ્રાન્ફર કરાવી પડશે. વાહન ચોરી થાય તો ફાસ્ટેગ એકાઉન્ટ બ્લોક કરાવવું પડશે.
એક વાહન માટે બે ફાસ્ટેગ ન ખરીદી શકાય
એક વાહન માટે બે ફાસ્ટેગ ખરીદવાની સખત મનાઈ છે. જો કોઈ વાહનના બે ફાસ્ટેગ હોય તો ગરબડી ઉભી થઈ શકે છે અને તેનાથી સર્જાતી સમસ્યા માટે ફાસ્ટેગ ધારક જવાબદાર ગણાય છે.
વાહન વેચો ત્યારે ફાસ્ટેગની માલિકી બદલાશે
વાહન વેચો ત્યારે ફાસ્ટેગ ઈશ્યુ કરનાર કંપની પાસે તમારે તે મુજબના ફેરફાર કરાવવા પડશે.
વાહન ચાલકે ફરિયાદ ક્યા કરવી?
જે કંપની પાસે ફાસ્ટેગ ઈશ્યુ કરાવ્યુ હોય તેનો સંપર્ત સાધી અને તમે ફરિયાદ નોંધાવી શકો આ સિવાય પણ IHMCL નો સંપર્ક કરીને તમે તમારી ફરિયાદ રજૂ કરી શકો
અગાઉ ખરીદે ફાસ્ટેગનો ઉપયોગ
તમે જે એજન્સી પાસેથી વાહન ખરીદ્યુ હોય ત્યાં સંપર્ક સાધીને તમારૂ ફાસ્ટેગ એક્ટીવેટ કરાવી શકો છો. આ માટે તમારે ફાસ્ટેગ ઈશ્યુ કરતી કંપની તેમજ નવુ વાહન ખરીદતી વખતે અગર ફાસ્ટેગ ઈશ્યુ કરાયુ હતુ તો તમે તે પણ એક્ટીવેટ કરી શકો છો.