ફાયદાની વાત / ખેડૂતોની બલ્લે બલ્લે, હવે આવક થશે ડબલ, સહકાર અને ગૃહમંત્રી અમિત શાહે કર્યું મોટું એલાન

• ખેડૂતોની આવક વધારવા માટે સરકાર તરફથી ઘણા પ્રયત્નો કરવામાં આવે છે 
• ડેરી પ્રોડક્ટ્સને પ્રોત્સાહન આપશે સરકાર 
• અમિત શાહે આપી જાણકારી 

દેશભરમાં ખેડૂતોની આવક વધારવા માટે સરકાર તરફથી ઘણા પ્રયત્નો કરવામાં આવી રહ્યા છે. ખાસ કરીને પીએમ કિસાન સમ્માન નિધિ યોજના દ્વારા ખેડૂતોને આર્થિક સહાય કરવામાં આવી રહી છે પણ હવે સરકારે ખેડૂતોને સીધો ફાયદો આપવા માટે એક ખાસ યોજના બનાવી છે. 

ડેરી પ્રોડક્ટ્સને પ્રોત્સાહન આપશે સરકાર 
દેશની સૌથી મોટી દૂધ વિક્રેતા કંપની અમૂલ સાથે મળીને સરકાર એક ખાસ યોજના બનાવી રહી છે. અત્યાર સુધી ભારતમાં જ અમૂલના દૂધનો ઉપયોગ કરવામાં આવતો હતો પણ હવે અમૂલ દૂધનો સ્વાદ અન્ય દેશોના નાગરિકો પણ લઈ શકશે. જણાવી દઈએ કે સરકાર વતી ડેરી પ્રોડક્ટ્સને પ્રોત્સાહન આપવા માટે સરકાર આ ખાસ પ્લાનિંગ કરી રહી છે. 

અમિત શાહે આપી જાણકારી 
કેન્દ્રીય સહકારી મંત્રી અમિત શાહે એક કાર્યક્રમમાં કહ્યું હતું કે અમુક સાથે અન્ય પાંચ સહકારી સમિતિઓને મર્જ કરવામાં આવશે અને તેનાથી એક મોટી મલ્ટી-સ્ટેટ કોઓપરેટિવ સોસાયટી (MSCS)ની રચના થશે. આ મર્જરની પ્રોસેસ પણ શરૂ થઈ ગઈ છે અને સરકારને આશા છે કે તેનું પરિણામ જલ્દી જ આપણા બધાની સામે થશે. 

ડિજિટલ ખેતીની થઈ રહી છે પ્લાનિંગ 
પીએમ મોદીની યોજના છે કે ડિજિટલ ખેતી દ્વારા કુદરતી પ્રોડક્ટ્સને પ્રોત્સાહન આપવામાં આવશે અને તેનો સીધો ફાયદો ખેડૂતોને થશે. તેને કારણે ખેડૂતોની આવકમાં પણ નોંધપાત્ર વધારો પણ થશે. 

આ રીતે વિદેશમાં થશે વેચાણ 
જણાવી દઈએ કે આ સમયેધ ગુજરાત કો-ઓપરેટિવ મિલ્ક માર્કેટિંગ ફેડરેશન લિમિટેડ તરફથી અમૂલ પ્રોડક્ટ્સનું વેચાણ કરવામાં આવે છે અને આ ફેડરેશનમાં ઘણી સહકારી સમિતિનું મર્જર થયા પછી મલ્ટી સ્ટેટ સહકારી સમિતિ તૈયાર થશે. આ પછી અમૂલ તેની પ્રોડક્ટ્સ દેશની સાથે વિદેશમાં પણ વહેંચી શકશે.

કઈ રીતે બમણી થશે ખેડૂતની આવક 
અમિત શાહ દ્વારા આપવામાં આવેલ જાણકારી અનુસાર ભારત સિવાય પાડોશી દેશોમાં પણ દૂધની માંગ વધારવા માટે આવનાર 5 વર્ષમાં પ્રોડક્શન ડબલ કરવું પડશે. આ સાથે જ બીજા દેશોમાં પણ દૂધની નિકાસ કરવાનું આયોજન ચાલી રહ્યું છે. જેના દ્વારા ખેડૂતોની આવક બમણી થશે.