ઠેર ઠેર પ્રદર્શન / ખેડૂતની વાત: ગુજરાતમાં જગતનો તાત વિરોધના રસ્તે, વિવિધ માગોને લઈ સરકાર સામે ચડાવી બાંયો

• ગુજરાતમાં ખેડૂતોનુ ઠેર ઠેર પ્રદર્શન
• ખેડૂતો ઉતર્યા રસ્તા પર
• વિવિધ માગોને લઈ ખેડૂતોનો રોષ

રાજ્યમાં ખેડૂતોની અનેક સમસ્યાનુ નિરાકરણ હજુ સુધી નથી આવ્યુ જેથી ખેડૂતોએ સરકાર સામે બાયોં ચડાવી છે. સુરત, જામનગર, બનાસકાંઠા જેવા વિસ્તારમાં ખેડૂતોનો રોષ ભભુકી ઉઠ્યો હતો. જેમાં સુરતના હજીરા-ગોથાણ રેલવે લાઈનને લઈને ખેડૂતોએ વિરોધ પ્રદર્શન કર્યુ હતુ. આ પ્રોજેક્ટ હેઠળ 14 કરતા વધુ ગામોની ખેતીલાયક જમીનને અસર પડતી હોવાથી ખેડૂતોએ નિર્ણય લીધો છે કે તેઓની જમીન રેલવે લાઈનને આપવામાં નહી આવે. 

બનાસકાંઠામાં પાણીની પારાયણ
તો બીજી તરફ બનાસકાંઠમાં લાંબા સમયથી પાણીની સમસ્યાનથી ખેડૂતો આંદોલીત જોવા મળે છે જેને લઈ આજે મલાના તળાવથી ખેડૂતો દ્વારા વિશાળ ટ્રેક્ટર રેલીનુ આયોજન કરાયુ હતુ જેમાં મોટી સંખ્યામાં ખેડૂતો ટ્રેક્ટર સાથે કલેક્ટરને પાણી મુદ્દે રજૂઆત કરવા પહોંચ્યા હતા. રેલીમાં પગપાળાથી પણ ખેડૂતો જોડાયા હતા. જેમાં મલાના તળાવમાં પાણી છોડવાની માગ કરાઈ હતી. 

જામનગરમાં જમીન માપણીને લઈ વિરોધ
જામનગરમાં રી-સર્વેની જમીન માપણીને લઈ ખેડૂતોએ મોટી સંખ્યામા ભેગા થઈને બાઈક રેલી યોજી હતી. જમીન માપણીમાં મોટા પ્રમાણમાં ગોટાળા થયા હોવાથી આ માપણીને રદ કરાવાની માગ સાથે ખેડૂતો રસ્તા પર ઉતર્યા હતા.

વિધાનસભા ચૂંટણી પહેલા ખેડૂતો નારાજ
ગુજરાતમાં ચૂંટણી નજીક આવી રહી છે માટે સરકારને ખેડૂતોનો આ વિરોધ પોશાય તેમ નથી જો સરકાર દ્વારા ખેડૂતોની સમસ્યાનુ કાયમી સમાધાન લાવવામાં નહી આવે તો ચૂંટણી પર ખેડૂતોના આ સંતોષની અસર પડી શકે છે.