બેદરકારી / વડોદરાની બ્રાઈટ સ્કૂલમાં ચાલુ ક્લાસે અચાનક એવી ઘટના બની કે, વાલી થયાં દોડતા

• વડોદરાની બ્રાઈટ સ્કૂલમાં ચાલુ ક્લાસે પડ્યો પંખો
• ધોરણ-3ના એફ વર્ગમાં ચાલુ ક્લાસમાં પડ્યો પંખો
• પંખો પડતા બે વિદ્યાર્થીઓને માથાના ભાગે થઈ ઈજા

આ બનાવ અંગે પ્રાપ્ત થતી વિગત અનુસાર, વડોદરાની બ્રાઈટ સ્કૂલમાં ચાલુ ક્લાસે પંખો પડવાની ઘટના સામે આવી છે. સ્કૂલના ધોરણ-3ના એફ વર્ગમાં એકાએક પંખો પડતા બે વિદ્યાર્થીઓને ઈજા થઈ. આ ઘટના સર્જાતા વિદ્યાર્થીઓને તાત્કાલિક સારવાર અર્થે હોસ્પિટલમાં ખસેડાયા હતા. આ ઘટના બાદ વાલીઓમાં રોષ જોવા મળી રહ્યો છે.

પંખો પડતા વિદ્યાર્થીને ઇજા 

ચાલુ ક્લાસે અચાનક પંખો પડતા ક્લાસમાં બેઠેલ વિદ્યાર્થીને ઇજા પહોંચી હતી. જો કે, આ બનાવને પગલે દોડધામ મચી જવા પામી હતી અને વિદ્યાર્થીને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યો હતો. 

વાલીઓમાં રોષ 

પંખો પડવાની ઘટનાને પગલે વિદ્યાર્થીના વાલી તથા અન્ય બાળકોના વાલીઓ પણ તાત્કાલિક અસરથી શાળાએ દોડી આવ્યા હતા અને રોષ પ્રગટ કર્યો હતો.