રાજકોટ / રાજકોટ E-પાસનો પર્દાફાશ! ગઠિયાઓ પાસે કલેક્ટરના સહી-સિક્કા ક્યાંથી આવ્યા?

• વતનમાં પહોંચાડવા માટે સરકાર દ્વારા પાસ કરાય છે ઈશ્યૂ
• ઓનલાઈન એપ્લાય કર્યા બાદ તંત્ર દ્વારા ઈશ્યૂ કરાય છે પાસ
• રાજકોટમાં ત્રણ શખ્સોએ મળીને શ્રમિકોને લૂંટવાનો ઘડ્યો પ્લાન

લોકડાઉનના કારણે લોકોને વતનમાં પહોંચાડવા માટે સરકાર દ્વારા પાસ ઈશ્યૂ કરવામાં આવે છે.  ત્યારે રાજકોટમાં શ્રમિકોને બોગસ પાસ કાઢી આપનાર ત્રણ શખ્સોની પોલીસે ધરપકડ કરી છે.  આ શખ્સો લોકો પાસેથી 4 હજાર રૂપિયા લઈને પાસ કાઢી આપવાની ખાતરી આપતા હતા.

પોલીસે દિપેન કોટેચા, સંજય મકવાણા અને ગૌરાંગ દવે નામના શખ્સોની અટકાયત કરી છે. સંજય મકવાણા ઈ-પાસ કાઢીને આપવાના નામે રૂપિયા ઉઘરાવતો હતો. આરોપી સંજય મકવાણાએ વ્હોટ્સએપમાં સ્ટેટસ પણ રાખ્યુ હતુ. વોટ્સએપ પર દસ્તાવેજ મોકલીને સંજય પાસ કાઢી આપતો હતો. કોરોનાના ટેસ્ટ કરાવાયા બાદ ત્રણેય આરોપીઓની ધરપકડની કાર્યવાહી કરાશે. 

E-પાસનો મામલે શું કહે છે રાજકોટ ક્લેક્ટર રમ્યા મોહન

કલેક્ટર દ્વારા 2 ફરિયાદ કરાઈ છે. સંજય, દિપેન, ગૌરવ સામે ફરિયાદ કરાઈ છે. આ મામલામાં કોઈને છોડવામાં નહી આવે. પાસ માટે લોકો સંજય પાસે જતા હતા. ત્રણેય એજન્ટો બનીને ફરતા હતા. કલેક્ટરના સહી અને સિક્કાનો ઉપયોગ કર્યો છે. 

પોલીસે 3 આરોપીઓની ધરપકડ કરી છેઃ DCP

રાજકોટ DCPએ જણાવ્યું હતુ કે, સંજય મકવાણા, દિપેન કોટેચા અને ગૌરાંગ દવેની ધરપકડ કરવામાં આવી છે. સંજય મકવાણા સાયબર કાફે ચલાવે છે. સરકારી સ્ટેમ્પનો ઉપયોગ કર્યો છે. દીપેન અને ગૌરાંગ બી ડિવિઝનનો આરોપી છે. દીપેન નામનો શખ્સ અમદાવાદમાં રહે છે. કલેકટર ઓફિસમાં ગમે તે રીતે પાસ કાઢી આપતા હતા. સંજય પાસે પોતાનો પાસ છે તેની તપાસ થશે. સંજયે 100 લોકો પાસેથી પૈસા લીધા છે. જે લોકોએ પાસ માટે એપ્લાય કર્યુ તેની પૂછપરછ થશે. કલેકટર ઓફિસના અધિકારીઓની પણ તપાસ થશે. 

સળગતા સવાલ

• શ્રમિકોને લૂંટતા એજન્ટોને પોલીસનો ડર રહ્યો નથી?
• અત્યાર સુધી કેટલા શ્રમિકોને એજન્ટોએ લૂટ્યા છે?
• શું આ એજન્ટોની કલેક્ટર સુધી પહોંચ છે?
• કલેક્ટર કચેરીમાં એજન્ટની કોની સાથે સંડોવણી છે?
• આ કૌભાંડમાં સરકારી અધિકારીની પણ સંડોવણી?
• એજન્ટની સાથે સરકારી અધિકારીઓ સામે થશે તપાસ?
• એજન્ટ કોને ફોન કરીને પાસ એપ્રુવ કરાવે છે?