નર્મદા / વિદેશમંત્રી ડૉ.એસ.જયશંકર નર્મદા ઘાટની મુલાકાતે, PM મોદી આગામી સમયમાં લોકાર્પણ કરે તેવી શક્યતાઓ

• વિદેશમંત્રી નર્મદા ઘાટની મુલાકાતે
• નર્મદા ઘાટના લોકાર્પણની તૈયારીઓ શરૂ
• ડૉ.એસ.જયશંકરે શુલપાણેશ્વર મહાદેવ મંદિરમાં કરી પૂજા

કેવડિયા ખાતે નર્મદા ઘાટની લોકાર્પણની તૈયારીઓ શરૂ કરી દેવામાં આવી છે, હરિદ્વારમાં હરકીપૌડીની જેમ ગંગા ઘાટ છે. તેવો નર્મદા ઘાટ બનવવામાં આવ્યો છે. જ્યાં ભક્તો બેસી નર્મદા સ્નાન કરી શકે અને રોજ સાંજે નર્મદા આરતી પણ કરી શકે. 

નર્મદા ઘાટના લોકાર્પણની તૈયારીઓ શરૂ

રોજ સાંજે નર્મદા આરતીનો લ્હાવો ભક્તોને મળે તે માટે સુંદર નર્મદા ઘાટ હાલ તૈયાર છે. ત્યારે વિદેશમંત્રી ડૉ.એસ. જયશંકર ઘાટની મુલાકાતે આવ્યા છે. કેવડિયાની સામે કિનારે ગોરા ગામે નર્મદા નદીના કિનારે 14 કરોડના ખર્ચે વિશાળ ઘાટ બનીને તૈયાર છે. સુલપણેશ્વર મંદિરથી સીધા ઘાટ પર જવાય એવો રસ્તો પણ બનીને તૈયાર છે. 131 મીટર લંબાઈ અને 47 મીટર પહોળો બનાવવામાં આવ્યો છે. 

ડૉ.એસ.જયશંકરે શુલપાણેશ્વર મહાદેવ મંદિરમાં કરી પૂજા

શુલપાણેશ્વર મહાદેવ મંદિરમાં  ડૉ.એસ.જયશંકર પૂજા અંચના કરી હતી. ઉલ્લેખનિય છે કે આગામી સમયમાં PM મોદી દ્વારા ઘાટનું લોકાર્પણ કરવામાં આવે તેવી શક્યાતાઓ સેવાઈ રહી છે. વિદેશ મંત્રી નર્મદાની મુલાકાતે આવ્યા છે ત્યારે તેઓ નર્મદા ઘાટની સાથે કેવડિયા ખાતે સ્ટેચ્યૂ ઓફ યુનિટીની પણ મુલાકાત લેશે.  ઉત્તરપ્રદેશ રાજ્યના હરિદ્વાર અને વારાણસીમાં ધાર્મિક સ્થળો છે. ત્યાં એવી રીતની ગંગા મહાઆરતી રોજ થાય છે. એવી નર્મદા આરતી પણ કેવડિયાના ગોરા ઘાટ પર કરાવવાનું આયોજન થઈ રહ્યું છે. સ્ટેચ્યુ ઓફ યુનિટી બન્યા બાદ આ વિસ્તારનો પ્રવાસન તરીકે વિકાસ થઈ રહ્યો છે.