- વેલેન્ટાઈન વીકના છઠ્ઠા દિવસે ઉજવાય છે ' હગ ડે '
- કોઈને ગળે મળવા કે ભેટવાથી ઘણાં ફાયદા થાય છે.
- વિજ્ઞાન મુજબ જાણો ગળે મળવાના ફાયદા
12મી ફેબ્રુઆરીને હગ ડે તરીકે ઉજવવામાં આવે છે.
કપલ્સ માટે વેલેન્ટાઈન વીક ખૂબ ખાસ હોય છે કે, કારણ કે, આ સમગ્ર સપ્તાહ દરમિયાન પ્રેમને અલગ અલગ રીતે વ્યક્ત કરવામાં આવે છે. આ અઠવાડિયાના છઠ્ઠા દિવસે એટેલે કે, 12મી ફેબ્રુઆરીને હગ ડે તરીકે ઉજવવામાં આવે છે. ગર્લફ્રેન્ડ-બોયફ્રેન્ડ હોય કે, પછી પતિ પત્ની, તેઓ આ દિવસે પોતાના પ્રેમાળ સાથીને ગળે લગાવે છે. અને તેને ભેટવાની કામાના કરે છે. વિજ્ઞાનના મુજબ હગ કરવાથી ઘણા ફાયદા થાય છે. સાથે જ વૈજ્ઞાનિકોનું પણ કહેવું છે કે, જ્યારે કોઈ ગળે મળે છે ત્યારે શરીર પર ખૂબ પોઝિટીવ અસર થાય છે.
આલિંગન કરવું કેટલું ફાયદાકારક છે
નિષ્ણાંતોના જણાવ્યા અનુસાર જો તમે તણાવ ઓછો કરવા માંગતા હોવ અથવા કમ્યુનિકેશન સુધારવા માંગતા હોવ અને હંમેશા ખુશ રહેવા માંગતા હોવ તો તમારે દિવસમાં ઓછામાં ઓછા 4 વખત કોઈને ગળે મળવું જોઈએ. અને વધુ ફાયદો મેળવવા માટે 8 થી 12 ભેટવું જોઈએ.
1.તણાવ ઘટાડે છે
જ્યારે પરિવારના કોઈ સભ્ય, મિત્ર કે પરિચિત કોઈ ખરાબ પરિસ્થિતિમાંથી પસાર થઈ રહ્યાં હોય અથવા તેને કોઈ સમસ્યા હોય આવી સ્થિતીમાં,તેને ગળે લગાવવાથી તેનો તણાવ ઓછો થઈ શકે છે. વૈજ્ઞાનિકોના જણાવ્યા અનુસાર કોઈ નાખુશ વ્યક્તિને સ્પર્શ કરવાથી અથવા ગળે લગાવવાથી તેમનો તણાવ ઓછો થઈ શકે છે.
2.તે રોગ સામે રક્ષણ આપી શકે છે
તમે જાણો છો કે, કોઈને ગળે મળવાથી તણાવ ઓછો થાય છે. જો કોઈ તણાવમાં હોય તો તેને ઘણી શારીરિક સમસ્યાઓ થઈ શકે છે. એટલા માટે કહી શકાય કે, હગ કરવાથી તણાવ ઓછો થાય છે, જેનાથી સ્વસ્થ રહેવામાં અને બીમારીઓથી દૂર રહેવામાં મદદ મળે છે. એક અભ્યાસ મુજબ જાણવા મળ્યું છે કે, ગળે મળવાથી વ્યક્તિની બીમાર થવાની શક્યતા ઘટી જાય છે.
3.હ્રદયની તંદુરસ્તી સુધારી શકે છે.
ગળે મળવાથી તમારા દિલની તંદુરસ્તીમાં સુધારો થઈ શકે છે.200 લોકોના અભ્યાસ મુજબ, લોકોને બે જૂથમાં વહેંચવામાં આવ્યા હતાં. એક ગૃપમાં બધાએ 10 મિનિટ સુધી એકબીજા હાથ પકડી રાખ્યા અને પછી 20 સેકન્ડ સુધી ગળે લગાવ્યા.લોકોનું બીજું જૂથ 10 મિનિટ અને 20 સેકન્ડ સુધી શાંતિથી બેઠું હતું. એવું જાણવા મળ્યું હતું કે, પ્રથમ જૂથના લોકોમાં બ્લડ પ્રેશરનું સ્તર હ્રદયના ધબકારામાં નોંધપાત્ર ઘટાડો થયો હતો.
4. તે ભયને ઘટાડી શકે છે
વૈજ્ઞાનિકોના જણાવ્યા અનુસાર, જે લોકોમાં આત્મસન્માનનો અભાવ જોવા મળે છે. તેવા લોકોમાં કોઈ પણ વ્યક્તિનો સ્પર્શ ચિંતા ઘટાડી શકે છે. સાથે સ્પર્શ પણ લોકોને લોકોથી પોતાને અલગ કરતા રોકી શકે છે. એક્સપર્ટને જાણવા મળ્યું હતું કે, ટેડી બિયર જેવી નિર્જીવ વસ્તુઓને સ્પર્શ કરવાથી લોકોનો ડર પણ દૂર થાય છે.
