ઘણીવાર જોવા મળે છે કે ઉંમર સાથે મહિલાઓને અનેક પ્રકારના રોગો થાય છે. આ નાના-મોટા રોગોથી તેમના ઘરેલું જીવનમાં મુશ્કેલીઓ ઉભી થતી હોય છે. સ્ત્રીઓને કુટુંબની કરોડરજ્જુ ગણવામાં આવે છે, તેથી જો તેમનું સ્વાસ્થ્ય સારું હોય તો આખા પરિવારનું આરોગ્ય જળવાશે તેવું માનવામાં આવે છે. આવી સ્થિતિમાં તેમણે પોતાના સ્વાસ્થ્ય વિશે જાગૃત થવું હજી વધુ મહત્વનું બની જાય છે. ખાસ કરીને 30 વર્ષની વયે સ્ત્રીઓએ કેટલાક મહત્વપૂર્ણ ટેસ્ટ કરાવવા જોઈએ.
પેલ્વિક એગ્જામ
30 વર્ષની વય પસાર કર્યા પછી, તમારે પેલ્વિક એગ્જામની તપાસ કરવી આવશ્યક છે. આ ટેસ્ટ ગર્ભાશયની ચોક્કસ સ્થિતિ શોધવા માટે કરવામાં આવે છે.
પેપ ટેસ્ટ
આ સિવાય દરેક મહિલાએ દર વર્ષે પેપ ટેસ્ટ કરાવવો જોઇએ. આ તપાસ સર્વાઇકલ કેન્સરને શોધવા માટે કરવામાં આવે છે. જ્યારે ટેસ્ટ પોઝિટિવ હોય ત્યારે, સમયસર પ્રાથમિક તબક્કે જ તેની સારવાર કરાવવી જોઈએ.
સ્તન કેન્સર
સ્તન કેન્સર સ્ત્રીઓને થતી એક ગંભીર સમસ્યા છે. આ રોગમાં, પ્રારંભિક લક્ષણો દેખાતા નથી. તમારે દર ત્રણ વર્ષે નિયમિતપણે સ્તન કેન્સરની તપાસ કરાવવી જોઈએ. સ્ત્રીઓ આ ટેસ્ટ મેમોગ્રાફી ટેકનીકનો ઉપયોગ કરીને કરાવી શકે છે.
સ્કીન ટેસ્ટ
સ્તન કેન્સરની જેમ સ્કીન માટે પણ કેન્સર એ એક ગંભીર રોગ છે. આનાથી બચવા માટે, મહિલાઓએ તેની તપાસ કરાવવી જોઈએ. આની સાથે, સમયસર તેના જોખમને ટાળી શકાય છે.
આંખની તપાસ
આપણે બધાએ સમયસર આંખોની તપાસવ કરાવવી જોઈએ. સીવણ, ભરતકામથી લઈને રસોઈ કામ સુધી, કામ કરતી મહિલાઓ માટે આ તપાસ વધુ મહત્વની બને છે. આવી સ્થિતિમાં મહિલાઓએ તેમની આંખોની નિયમિત તપાસ કરાવવી જોઇએ.
બ્લડ પ્રેશર
બ્લડ પ્રેશર અનેક સમસ્યાઓનું કારણ છે. મહિલાઓએ તેની નિયમિત તપાસ કરાવવી જોઇએ અને તેને નિયંત્રણમાં રાખવુ જોઈએ. આમ ન કરવાથી બીજી ઘણી અન્ય સમસ્યાઓ થઈ શકે છે.
કોલેસ્ટ્રૉલ
શરીરના લોહીમાં કોલેસ્ટ્રૉલના સ્તરની તપાસ કરાવવી ખૂબ જ મહત્વપૂર્ણ છે. તેમની અસામાન્યતાઓ આરોગ્યની ઘણી ગંભીર સમસ્યાઓનું કારણ બની શકે છે.