તમારા કામનું / 30 જુલાઇએ 73 લાખ પેન્શનધારો મળશે મોટા ગુડ ન્યૂઝ, EPFO એ બનાવ્યો ખાસ પ્લાન

• EPFO હવે સેન્ટ્રલ પેન્શન વિતરણ પ્રણાલી વિકસાવસે
• આ પ્રણાલીના લીધે દેશભરમાં 73 લાખ લોકોને ફાયદો 
• એક સાથે એક તારીખે બધા લોકોને પેન્સન મોકલવાની સગવડતા મળશે 

એક સાથે 73 લાખ પેન્શનર્સને ફાયદો
કર્મચારી ભવિષ્ય નિધિ સંગઠન (EPFO) 29 અને 30 જુલાઇના રોજ યોજાનારી તેની બેઠકમાં કેન્દ્રીય પેન્શન વિતરણ પ્રણાલી સ્થાપિત કરવાના પ્રસ્તાવ પર વિચાર કર્યા પછી તેને મંજૂરી આપશે. આ સિસ્ટમની સ્થાપના સાથે જ દેશભરના 73 લાખ પેન્શનર્સના ખાતામાં એક સાથે પેન્શન ટ્રાન્સફર થઈ જશે.

અલગ અલગ દિવસે પેન્શન મળે છે 
હાલ EPFOની 138 પ્રાદેશિક કચેરીઓએ તેમના વિસ્તારના લાભાર્થીઓના ખાતામાં પેન્શન નાખતા હોય છે. આવી સ્થિતિમાં પેન્શનરોને અલગ-અલગ દિવસો અને અલગ સમયે પેન્શન મળતું હોય છે. એક સૂત્રએ જણાવ્યું હતું કે 29 અને 30 જુલાઈના રોજ યોજાનારી ઇપીએફઓની સર્વોચ્ચ નિર્ણય લેતી સંસ્થા, સેન્ટ્રલ બોર્ડ ઓફ ટ્રસ્ટીઝ (CBT)ની બેઠકમાં સેન્ટ્રલ પેન્શન વિતરણ પ્રણાલીની રચનાનો પ્રસ્તાવ મૂકવામાં આવશે.

એક સાથે મળશે પેન્શન
સૂત્રએ જણાવ્યું હતું કે આ સિસ્ટમની સ્થાપના બાદ પેન્શનનું વિતરણ 138 પ્રાદેશિક કચેરીઓના ડેટાબેઝના આધારે કરવામાં આવશે. આનાથી 73 લાખ પેન્શનધારકોને એક સાથે પેન્શન આપવામાં આવશે. સૂત્રે કહ્યું હતું કે તમામ પ્રાદેશિક કચેરીઓ તેમના વિસ્તારમાં પેન્શનરોની જરૂરિયાતોને અલગથી જુએ છે. આનાથી પેન્શનરોને જુદા જુદા દિવસોમાં પેન્શન ચૂકવવાની મંજૂરી મળે છે.

ડેટા બધો કેન્દ્રીય ડેટાબેઝમાં રાખવામાં આવશે
સીબીટીની 20 નવેમ્બર 2021 માં થયેલ 229 મી બેઠકમાં, ટ્રસ્ટીઓએ C-DAC દ્વારા કેન્દ્રિય આઇટી-આધારિત સિસ્ટમના વિકાસ માટેના પ્રસ્તાવને મંજૂરી આપી હતી. શ્રમ મંત્રાલયે બેઠક બાદ એક નિવેદનમાં કહ્યું હતું કે ત્યારબાદ પ્રાદેશિક કચેરીઓની વિગતો તબક્કાવાર રીતે કેન્દ્રીય ડેટાબેઝમાં સ્થાનાંતરિત કરવામાં આવશે. આનાથી સેવાઓના સંચાલન અને પુરવઠાની સુવિધા મળશે.