લાભ / જો તમે પણ નોકરી કરો છો તો આજે જ ભરી દો આ ફૉર્મ, સરકાર આપશે 7 લાખ રૂપિયાનો ફાયદો

• જો તમે નોકરીયાત છો તો તમારી પાસે બમ્પર ફાયદો મેળવવાની તક
• EPFO પોતાના કર્મચારીઓને પેન્શન સિવાય જીવન વીમાનો આપે છે ફાયદો
• જે હેઠળ EPFO પોતાના કર્મચારીઓને 7 લાખ રૂપિયાનો આપશે ફાયદો

પેન્શન સિવાય જીવન વીમાનો પણ ફાયદો

જો તમે EPFO સબ્સ્ક્રાઈબર્સ છો તો તમે સરળતાથી તેનો ફાયદો ઉઠાવી શકો છો. જેના માટે તમારે ફક્ત એક ફોર્મ ભરવાનુ હોય છે. ત્યારબાદ જ તેનો ફાયદો ઉઠાવી શકાય છે. આવો જાણીએ તેની સમગ્ર પ્રક્રિયા. કર્મચારી ભવિષ્ય નિધિ સંગઠનના પોતાના કર્મચારીઓને પીએફ અને પેન્શન સિવાય જીવન વીમાનો પણ ફાયદો આપે છે. જે હેઠળ તમને આ 7 લાખ રૂપિયાનો ફાયદો મળે છે.  મહત્વનું છે કે, આ સુવિધા ગ્રાહકોને ફ્રીમાં મળે છે. જેના માટે કોઈ પણ પ્રકારનું યોગદાન આપવામાં આવતુ નથી. 

EPFO એ કર્યુ ટ્વિટ

EPFO એ પોતાના સત્તાવાર ટ્વિટર એકાઉન્ટ પર ટ્વિટ કરી આ અંગે માહિતી આપી હતી. EPFO એ ટ્વિટમાં લખ્યું હતુ કે EPFના દરેક સબ્સક્રાઈબર એમ્પ્લોઈઝ ડિપોઝીટ લિન્ક્ડ ઈન્શ્યોરન્સ સ્કીમ, 1976 હેઠળ કવર થાય છે. EDLI સ્કીમ હેઠળ દરેક EPF એકાઉન્ટ પર 7 લાખ રૂપિયા સુધીનું ફ્રી ઈન્શ્યોરન્સ કવર મળે છે. ઉલ્લેખનીય છે કે, જો કોઈ નોમિનેશન વગર સભ્યનું મોત થઈ જાય તો ક્લેમની પ્રોસેસ કરવી કપરી બની જાય છે. આવો જાણીએ કે તમે ઓનલાઈન માધ્યમથી કેવીરીતે નોમિનેશન ડિટેઈલ ભરી શકો છો. 

ઉલ્લેખનીય છે કે ઈપીએફના દરેક કર્મચારીઓને એમ્પલોઈઝ ડિપોઝીટ લિન્ક્ડ ઈન્શ્યોરન્સ સ્કીમ, 1976 હેઠળ બધા EPF એકાઉન્ટ પર પૂરા 7 લાખ રૂપિયાનો ફાયદો ફ્રી ઈન્શ્યોરન્સ તરીકે આપવામાં આવે છે.

આ રીતે કરી શકે છે ઈ-નોમિનેશન 

તમારે સૌથી પહેલાં EPFO ની સત્તાવાર વેબસાઈટ https://www.epfindia.gov.in/ પર જવુ પડશે.
અહીં તમારે સૌથી પહેલાં ‘Services’ ઓપ્શન પર ક્લિક કરવાનુ છે.
ત્યારબાદ તમારે અહીં ‘For Employees’ પર ક્લિક કરવાનુ છે.
હવે મેમ્બર UAN/ઓનલાઈન સર્વિસ (ઓસીએસ/ઓટીસીપી) પર ક્લિક કરો.
હવે યુએએન અને પાસવર્ડ નાખી લોગ ઈન કરો.
ત્યારબાદ મેનેજ ટેબમાં ઈ-નોમિનેશન સિલેક્ટ કરો.
ત્યારબાદ સ્ક્રીન પર પ્રોવાઈડ ડિટેલ્સ ટેબ આવશે, સેવ પર ક્લિક કરો.
ફેમિલી ડિક્લેરેશન અપડેટ કરવા માટે યસ પર ક્લિક કરો.
હવે એડ ફેમિલી ડિટેલ્સ પર ક્લિક કરો. એકથી વધુ નૉમિની પણ એડ કરી શકાય છે.
કયા નોમિનીના ભાગમાં કેટલી રકમ આવશે.  તેની જાહેરાત માટે નોમિનેશન ડિટેઈલ્સ પર ક્લિક કરો.
ઈપીએફ નોમિનેશન પર ક્લિક કરો.
ઓટીપી જનરેટ કરવા માટે ઈ-સાઈન પર ક્લિક કરો. ઓટીપી આધારની સાથે લિન્ક મોબાઈલ નંબર પર મોકલવામાં આવશે.
ઓટીપીને નક્કી કરેલી જગ્યામાં નાખીને સબમિટ પર ક્લિક કરો.