તમારા કામનું / ઘરે બેઠા PF એકાઉન્ટમાં બદલો મોબાઈલ નંબર અને બાકી ડિટેલ્સ, આ સરળ પ્રોસેસથી ફટાફટ થઈ જશે કામ

• PF ખાતામાં આ રીતે કરો અપડેટ 
• ઘરે બેઠા આરામથી થઈ જશે કામ 
• ઓનલાઈન માહિતી કરો અપડે

દરેક પગારદાર વ્યક્તિ પોતાના જીવનની કમાણીનો એક ભાગ પીએફ ખાતામાં જમા કરે છે. તેને આ પૈસા રિટાયરમેન્ટ ફંડના રૂપમાં મળે છે. આ સાથે તમે પીએફ ખાતામાંથી પૈસા ઉપાડી શકો છો જેમ કે માંદગી, શિક્ષણ અથવા બાળકોના લગ્ન ખર્ચ, ઘર ખરીદવા વગેરે.

2004માં જૂની પેન્શન યોજના બંધ કરી
સરકારે વર્ષ 2004માં જૂની પેન્શન યોજના બંધ કરી દીધી હતી. આવી સ્થિતિમાં પ્રથમ સરકારી કર્મચારીઓ માટે કર્મચારી ભવિષ્ય નિધિ સંગઠન બનાવવામાં આવ્યું હતું. બાદમાં આમાં ખાનગી કર્મચારીઓનો પણ સમાવેશ કરવામાં આવ્યો હતો. દર મહિને દરેક EPFO ​​ખાતાધારકના મૂળ પગારમાંથી 12 ટકા પીએફ તરીકે કાપવામાં આવે છે. આ સિવાય એમ્પ્લોયર કંપની કર્મચારીના 12 ટકા પગાર પીએફમાં જમા કરાવે છે.

ઓનલાઈન માહિતી કરો અપડેટ
કર્મચારી નિવૃત્તિ પછી પીએફમાં જમા કરેલા પૈસા સંપૂર્ણ ઉપાડી શકે છે. આ ખાતામાં EPFO ​​નોમિનેશનની પ્રક્રિયા પૂર્ણ થયા પછી તમે 7 લાખ રૂપિયાની વીમા પોલિસીનો લાભ પણ લઈ શકો છો. જો તમે PF એકાઉન્ટમાં કોઈપણ રીતે અપડેટ કરવા માંગો છો. તો તમે આ કામ ઓનલાઈન કરી શકો છો. તો ચાલો અમે તમને તે પ્રક્રિયા વિશે જણાવીએ જેના દ્વારા તમે PF એકાઉન્ટમાં મોબાઈલ નંબર અને અન્ય વિગતો અપડેટ કરી શકો છો.

જાણો સંપૂર્ણ પ્રોસેસ

• બેંક વિગતો અપડેટ કરવા માટે તમે પહેલા https://unifiedportal-mem.epfindia.gov.in/memberinterface/ પર ક્લિક કરો. આ EPFOની સત્તાવાર વેબસાઇટ છે. પછી તમારો UAN નંબર, પાસવર્ડ અને કેપ્ચા દાખલ કરો.
• તે પછી મેનેજ ઓપ્શન પર ક્લિક કરો. ત્યારબાદ એક પેજ ખુલશે જેમાં તમારે KYC ડોક્યુમેન્ટ ટુ એડ પર ક્લિક કરવાનું રહેશે. અહીં તમે બેંક વિગતોનો વિકલ્પ જોશો, ત્યાં ક્લિક કરો.
• આ પછી તમારો બેંક એકાઉન્ટ નંબર અને IFSC કોડ દાખલ કરો. બાદમાં તેને સેવ કરી લો. તમારે કંપનીના એચઆરને બેંકની વિગતો બદલવાની માહિતી પણ આપવી પડશે. જ્યારે કંપનીના HR આ અપડેટને મંજૂરી આપશે ત્યારે EPFOમાં એકાઉન્ટ પણ અપડેટ થઈ જશે.
• મોબાઇલ નંબર અપડેટ કરવા માટે, તમારે EPFOની સત્તાવાર વેબસાઇટ https://unifiedportal-mem.epfindia.gov.in/memberinterface/ પર ક્લિક કરવું પડશે. અહીં તમે સંપર્ક વિગતો પર ક્લિક કરો. ત્યારબાદ મોબાઈલ નંબર અપડેટ વિકલ્પ પસંદ કરો.
• મોબાઈલ નંબર અપડેટ કરવા માટે પહેલા મોબાઈલ નંબર એન્ટર કરો. આ પછી, તમારા મોબાઇલ નંબર પર એક OTP આવશે. તેને દાખલ કરો તે પછી તેને સબમિટ કરો. તમારો મોબાઇલ નંબર અને બેંક વિગતો બંને અપડેટ કરવામાં આવશે.