ઈંગ્લેન્ડે શ્રીલંકાને હરાવીને સેમીફાઈનલમાં જગ્યા બનાવી લીધી છે. આ સાથે વર્તમાન ચેમ્પિયન અને યજમાન ઓસ્ટ્રેલિયા T20 વર્લ્ડ કપમાંથી બહાર થઈ ગયું છે.
T20 વર્લ્ડ કપ 2022માં ગ્રુપ-1 નક્કી
ઈંગ્લેન્ડે શ્રીલંકાને હરાવીને જગ્યા પાક્કી કરી
યજમાન ઓસ્ટ્રેલિયા T20 વર્લ્ડ કપમાંથી બહાર
T20 વર્લ્ડ કપ 2022માં ગ્રુપ-1 નક્કી થઈ ગયું છે, શનિવારે રમાયેલી મેચમાં ઈંગ્લેન્ડે શ્રીલંકાને હરાવીને સેમીફાઈનલમાં જગ્યા બનાવી લીધી છે. આ સાથે વર્તમાન ચેમ્પિયન અને યજમાન ઓસ્ટ્રેલિયા T20 વર્લ્ડ કપમાંથી બહાર થઈ ગયું છે. ન્યૂઝીલેન્ડ અને ઈંગ્લેન્ડે ગ્રુપ 1માંથી સેમિફાઈનલ માટે ક્વોલિફાઈ કરી લીધું છે.
પ્રથમ બેટિંગ કરતા શ્રીલંકાએ 141 રન બનાવ્યા હતા. ટીમ વતી ઓપનર પથુમ નિસાન્કાએ 67 રનની ધમાકેદાર ઇનિંગ રમી હતી, અંતે ભાનુકા રાજપક્ષે 22 રનની ઇનિંગ રમી હતી. એક સમયે એવું લાગતું હતું કે શ્રીલંકા મોટા સ્કોર સુધી જઈ શકે છે, પરંતુ મિડલ ઓર્ડરે પછી ધબડકો કરી દીધો. આવી સ્થિતિમાં શ્રીલંકા 20 ઓવરમાં 141 રન જ બનાવી શકી હતી.