WC 2019 / ન્યૂઝીલેન્ડને 119 રને હરાવીને ઇંગ્લેન્ડે સેમિફાઇનલમાં કરી એન્ટ્રી

ઇંગ્લેન્ડ માટે આ જીત એટલા માટે ખાસ રહી કેમકે 1992 પછી પહેલી વખત સેમિફાઇનલમાં જગ્યા બનાવી. એટલુ જ નહી, આ સાથે 1983ના વર્લ્ડ કપ પછી કોઇ મેચમાં ન્યૂઝીલેન્ડને માત આપી. ઇંગ્લેન્ટની ટીમના જીતની સાથે 12 પૉઇન્ટ થઇ ગયા છે અને પૉઇન્ટ ટેબલ પર ત્રીજા સ્થાન પર છે. જ્યારે ન્યૂઝીલેન્ડ 11 પૉઇન્ટની સાથે ચોથા નંબર પર છે. પાકિસ્તાનના હજુ પણ 9 પૉઇન્ટ્સ છે. જો પાકિસ્તાન બાંગ્લાદેશની ટીમને હરાવી દે તો કીવી ટીમ જેટલા પૉઇન્ટ થઇ જશે, એવામાં જે રન રેટ વધારે હશે તે સેમિફાઇનલમાં પહોંચનારી ચોથી ટીમ હશે. 

👏 Congratulations, @englandcricket!

They join India and Australia in qualification for the #CWC19 semi-finals!

Will they go one further and make it to the Lord’s final...#LoveLords#WeAreEngland pic.twitter.com/MwiL0q9CoG

— Lord's Cricket Ground 🏏 (@HomeOfCricket) July 3, 2019

આ જીતની સાથે જ ઇંગ્લેન્ડની ટીમ સેમિફાઇનલમાં પહોંચનારી ત્રીજી ટીમ છે. આ પહેલા ઓસ્ટ્રેલિયા અને ટીમ ઇન્ડિયા સેમિફાઇનલમાં પહોંચી ચૂકી છે. ઇંગ્લેન્ડે ટૉસ જીતીને પહેલા બેટિંગ કરતા 8 વિકેટ ગુમાવીને 305 રન કર્યા હતા, જે પછી ટાર્ગેટ પૂરો કરવા માટે આવેલી ન્યૂઝીલેન્ડની ટીમ 45 ઑવર્સમાં 186 રન પર ઑલઆઉટ થઇ ગઇ. મેન ઑફ ધ મેચ ઇંગ્લેન્ડના જોની બેયરસ્ટો અને જ્યારે 9 ઑવરમાં 34 રન  આપીને 4 વિકેટ લેનારા માર્ક વુડ રહ્યા. 

England book their place in the semi-finals!

Jonny Bairstow's century was the highlight of the England innings before the bowlers took over to help seal a 119-run win. #ENGvNZ | #CWC19 pic.twitter.com/6wE2xVvq0W

— ICC (@ICC) July 3, 2019

ટૉસ જીતીને પહેલા બેટિંગ કરવાનો નિર્ણય ઇંગ્લેન્ડે કર્યુ. ઑપનર જેસન રૉય અને જોની બેરસ્ટોએ 18.4 ઑવરમાં 123 રનની પાર્ટનરશિપ કરી. જોની બેરસ્ટોએ વનડે કરિયરની 9મી અને ટૂર્નામેન્ટની સતત બીજી સેન્ચુરી કરતા 106 રન કર્યા, તો જેસન રોયે 60 રન કર્યા. મિડલ ઑર્ડરમાં માત્ર કેપ્ટન ઇયોન મોર્ગેને 42 રન જ કર્યા, આ પછી અન્ય કોઈ બેટ્સમેન મોટો સ્કોર કરી શક્યું ન હતું અને ટીમે સતત વિકેટો ગુમાવી હતી.ન્યૂઝીલેન્ડ માટે ટ્રેન્ટ બોલ્ટ, જેમ્સ નિશમ અને મેટ હેનરીએ 2-2 વિકેટ લીધી હતી.

306 રનનો ટાર્ગેટ પૂરો કરવા માટે આવેલી ન્યૂઝીલેન્ડની ટીમ 45 ઓવર્સમાં 186 રનમાં ઓલઆઉટ થયું હતું. તેમના માટે ટોમ લેથમે 57 રન કર્યા હતા. અન્ય કોઈ બેટ્સમેન 30 રન પણ કરી શક્યું ન હતું. રોઝ ટેલર અને કેન વિલિયમ્સનના રનઆઉટ તેમના મોંઘા પડ્યા હતા. ઇંગ્લેન્ડ માટે માર્ક વુડે 3 વિકેટ લીધી હતી. જોફ્રા આર્ચર 17 વિકેટ સાથે ઇંગ્લેન્ડ માટે વર્લ્ડકપમાં સૌથી વધુ વિકેટ લેનાર બોલર બન્યો છે. તેણે ઇયાન બોથમનો 16 વિકેટનો રેકોર્ડ તોડ્યો છે.

ઇંગ્લેન્ડ:
જેસન રોય, જોની બેરસ્ટો, જો રૂટ, ઓઇન મોર્ગન, બેન સ્ટોક્સ, જોસ બટલર, લિયમ પ્લન્કેટ, જોફ્રા આર્ચર, આદિલ રશીદ, ક્રિસ વોક્સ અને માર્ક વુડ

​​​​​​ન્યૂઝીલેન્ડ: 
માર્ટિન ગુપ્ટિલ, હેનરી નિકોલસ, કેન વિલિયમ્સન, રોઝ ટેલર, ટોમ લેથમ, જેમ્સ નિશમ, કોલીન ડી ગ્રાન્ડહોમ, મિચેલ સેન્ટનર, ટ્રેન્ટ બોલ્ટ, ટિમ સાઉથી અને મેટ હેનરી