અજબ-ગજબ / લંચ બ્રેકમાં Employeesને મળે છે આ સુવિધા, તમે નોકરી કરતા હોય તો જાણીલો

• લંચ બ્રેકમાં કર્મચારીઓને આપવામાં આવે છે આ સુવિધા
• જો તમે જાણશો તો તમને નહીં થાય વિશ્વાસ
• મહિલાઓ ઑફિસમાં કરે છે આરામ 

એક કંપનીએ પોતાના લંચ બ્રેકમાં કર્મચારીઓને ઊંઘવાની છૂટ આપી

આજના સમયમાં ઑફિસમાં થતી ગળાકાપ કોમ્પિટીશનના સમયમાં કેટલાંક લોકો પોતાનુ યોગ્ય રીતે ધ્યાન રાખી શકતા નથી. જેને કારણે તેઓ બિમાર થઇ રહ્યાં છે. તો દુનિયામાં કેટલીક કંપનીઓ એવી પણ છે, જે પોતાના કર્મચારીઓની હેલ્થ અને તેના સંપૂર્ણ વિકાસ પર ધ્યાન આપે છે. એવામાં વર્કપ્લેસ પરના પ્રેશરમાંથી છૂટકારો મેળવવા માટે એક કંપનીએ લંચ બ્રેકમાં પોતાના કર્મચારીઓને ઊંઘવાની છૂટ આપી છે. ખરેખર લંચ બ્રેક બાદ પૂરા મનથી પોતાનુ કામ કરી શકતા નથી. એટલેકે કર્મચારીઓ પોતાના કેલિબરનો 100 ટકા યોગ્ય ઉપયોગ કરી શકતા નથી. એવામાં કંપની દ્વારા પોતાના કર્મચારીઓને આ સુવિધા આપવાનો વિચાર વાયરલ થઇ રહ્યો છે. 

લિંક્ડઈન પર શેર થયો વીડિયો 

મહત્વનું છે કે Pascal Bornet નામના યુઝરે આ વીડિયોને લિંક્ડઈન પોસ્ટ પર શેર કર્યો તો આ વીડિયો સોશિયલ મીડિયામાં વાયરલ થવા લાગ્યો. માત્ર 9 સેકન્ડના વીડિયોને જોઇને ઘણા લોકો વિશ્વાસ કરી શક્યા નથી કે શું ખરેખર આ ઑફિસ છે અથવા કોઈ રેલવે સ્ટેશનનો રેસ્ટ રૂમ છે જ્યાં લોકો રિલેક્સ થવા માટે આરામ ફરમાવી રહ્યાં છે. ખરેખર યુઝર્સનુ આવુ વિચારવા પાછળ કારણ એ છે કે આ વીડિયોમાં એક પણ કોમ્પ્યુટર જોવા મળતુ નથી. વાયરલ વીડિયોમાં તમે જોઇ શકો છો કે એક ડેસ્કની સાથે કેટલાંક ફોલ્ડિંગ બેડ લાગ્યા છે. શરૂઆતમાં એક મહિલા બેસીને મોબાઈલ ચલાવે છે. પરંતુ થોડી સેકન્ડ બાદ તે સીટને બેડમાં  ફેરવે છે અને ચાદર ઓઢીને આરામથી સૂઈ જાય છે. 

આ કલ્ચર આપણા દેશમાં હોવુ જોઈએ !

આ વીડિયોના કેપ્શનમાં લખ્યું  છે કે એશિયાના કેટલાંક દેશોમાં ઑફિસ લંચ નેપ્સ ખૂબ સરળ છે. ડૉકટર પણ તેની સલાહ આપે છે. શું તમને લાગે છે કે આ કલ્ચર બીજા દેશોમાં પણ હોવુ જોઈએ? ઉલ્લેખનીય છે કે આ પોસ્ટને હજારો લાઈક્સ અને શેર મળી ચૂકી છે. આ વીડિયો પર અલગ-અલગ પ્રતિક્રિયા સામે આવી રહી છે. 

Office lunch naps are common in several countries in Asia. They are also recommended by physicians

Do you think we should see more of this around the world?#futureofwork pic.twitter.com/bqSgUwqM8v

— Pascal Bornet (@pascal_bornet) July 14, 2022