ટ્વિટરને ખરીદ્યા બાદ હવે એલન મસ્ક સૌથી પહેલું કામ કર્મચારીઓની મોટાપાયે છટણી કરવા જઈ રહ્યાં છે.
ટ્વિટરના કર્મચારીઓ માટે માઠા સમાચાર
એલન મસ્કે કર્મચારીઓની છટણીનો આપ્યો આદેશ
મેનેજરને કર્મચારીઓની છટણીનું લિસ્ટ તૈયાર કરવાનો આપ્યો ઓર્ડર
દુનિયાના સૌથી મોટા અમીર એલન મસ્કે ટ્વિટરને 44 બિલિયન ડોલરમાં ખરીદી લીધું છે. ટ્વિટરને ખરીદ્યાના થોડા દિવસ બાદ એલન મસ્કે હવે ટ્વિટરમાંથી મોટાપાયે કર્મચારીઓની છટણી કરવાનો નિર્ણય લીધો છે. આ માટે મસ્કે તેમના મેનેજરને એક યાદી બનાવવાનું પણ જણાવી દીધું છે.
Elon Musk said to begin laying off employees at Twitter: Report
75 ટકા સ્ટાફની છટણી કરે તેવી સંભાવના
એલન મસ્ક ટ્વિટરનો 75 ટકા સ્ટાફ ઓછો કરે તેવી શક્યતા સેવાઈ રહી છે. મસ્ક કર્મચારીઓની છટણી કરવા આતુર છે કારણ કે ટ્વિટરના કબજાના તરત બાદ તેમણે સીઈઓ પરાગ અગ્રવાલની હકાલપટ્ટી કરી નાખી હતી અને હવે તેઓ બીજા કર્મચારીઓની નોકરી લઈ જવા તૈયાર થયા છે.
મસ્કે ટ્વિટરની મોટાભાગની લીડરીશીપ ટીમને ઘરભેગ કરી
મસ્કે ટ્વિટરની મોટા ભાગની લીડરશીપ ટીમને હટાવી દીધી છે, જેમાં તેના ચીફ એક્ઝિક્યુટિવ ઓફિસર, ફાઇનાન્સ ચીફ અને બે સિનિયર લીગલ સ્ટાફનો સમાવેશ થાય છે. મસ્ક પોતે પણ સીઈઓ બનવા માગતા હોવાનો રિપોર્ટ છે.
કન્ટેન્ટ મોડરેશન કાઉન્સિલની રચના
કર્મચારીઓની છટણીની ઉપરાંત એલન મસ્કે ટ્વિટરમાં મોટાપાયે ફેરફાર કરવા ઈચ્છુક છે. મસ્ક કન્ટેન્ટ મોડરેશન પોલિસીમાં પણ ફેરફાર કરવા માગે છે અને તેને માટે કન્ટેન્ટ મોડરેશન કાઉન્સિલની રચના કરવાનો પણ આદેશ આપ્યો છે.