દુઃખદ / ખેતમજુરી કરવા જતા શ્રમિકોને રસ્તામાં જ થયો કાળનો ભેટો, હાઇ ટેન્શન ઇલેક્ટ્રીક વાયર રિક્ષા પર પડતાં આઠના મોત

• આંધ્રપ્રદેશમાં હાઇ ટેન્શન ઇલેક્ટ્રીક વાયર રિક્ષા પર પડતાં અકસ્માત
• વાયર રિક્ષા પર પડતાંની સાથે ઓટોમાં સવાર તમામ લોકો જીવતા ભડથું થઇ ગયા 
• તમામ મૃતકો ખેતરમાં ખેત મજૂરી કરતાં હતાં 

આંધ્રપ્રદેશમાં ભયાનક અકસ્માતમાં આઠ લોકો જીવતા દાઝ્યાં 

આંધ્રપ્રદેશના શ્રી સત્ય સાંઈ જિલ્લામાં એક ભયાનક અકસ્માતમાં આઠ લોકો જીવતા દાઝી ગયા હતા.તાડીપત્રી મંડળના ચિલ્લાકોંડયા પલ્લી ગામ પાસે બનેલી ઘટના મુજબ, મુસાફરોને લઈ જતી ઓટો રિક્ષા પર હાઈ ટેન્શનનો ઈલેક્ટ્રિક વાયર પડ્યો હતો. જે બાદ સમગ્ર ઓટોમાં ભીષણ આગ લાગી ગઈ હતી. જેને લઈને ઓટોમાં સવાર તમામ લોકો જીવતા સળગી ગયા હતા, તેમને બચવાનો મોકો મળ્યો નહોતો. આ ભયાનક અકસ્માતમાં આઠ લોકોના મોત થયા હોવાનું કહેવાય છે. તમામ ગુંડમપાલી ગામના રહેવાસી છે. તેઓ ખેતરોમાં કામ કરવા જતા હતા.

How safe are High Tension Electric Wires in India?!?

The accident in Andhrapradesh today, Rising new questions on safety.

Five casualities and six got injured in the High Tension wire accident in Sri Satya Sai District, Andhrapradesh@MinOfPower @AndhraPradeshCM @narendramodi pic.twitter.com/KQqJzcTnli

— Krish Raj Murari/ क्रिष राज मुरारी (@KrishRajMurari) June 30, 2022

વીજ કરંટથી લાગેલી આગ એટલી ઝડપથી ફેલાઈ કે કોઈને સ્વબચાવનો મોકો જ ન મળ્યો

કહેવામાં આવી રહ્યું છે કે વીજ કરંટથી લાગેલી આગ એટલી ઝડપથી ફેલાઈ કે કોઈને સ્વબચાવનો મોકો જ ન મળ્યો અને રિક્ષામાં સવાર તમામ લોકો આ મોટી દુર્ઘટનાનો શિકાર બન્યા. પ્રાથમિક તપાસમાં એવું સામે આવ્યું છે કે તમામ મૃતકો ખેતરમાં કામ કરતા મજૂરો હતા અને તેઓ સવારે પોતાના કામ પર જતા હતા. ત્યારે રસ્તામાં આ ભયાનક અકસ્માત થયો હતો.

આ પહેલા પણ વિશાખાપટ્ટનમમાં ગેસ લીકનો મામલો સામે આવ્યો હતો

તમને જણાવી દઈએ કે, વીજ કરંટ સિવાય આ મહિને આંધ્રપ્રદેશના વિશાખાપટ્ટનમમાં ગેસ લીકનો મામલો સામે આવ્યો હતો.  અચ્યુતપુરમમાં પોરસ લેબોરેટરીઝ પ્રાઈવેટ લિમિટેડ  કંપનીમાં ગેસ લીક ​થવાને કારણે કંપનીમાં કામ કરતી 30 મહિલા કર્મચારીઓ બીમાર પડી ગઈ હતી. જે બાદ તેઓને તાત્કાલિક હોસ્પિટલમાં દાખલ કરવામાં આવ્યો હતો. ગેસ ગળતરની ઘટના બાદ પોલીસે ઘટનાસ્થળે પહોંચી કાયદેસરની તપાસ કરી હતી.