- APMCની આવક ઘટતા કર્મચારીઓના પગાર કરવા મુશ્કેલ બન્યા
- APMCના 3 હજાર થી વધુ કર્મચારીઓની આજીવિકા સામે મોટો પ્રશ્ન
- નાની માર્કેટની આવક સદંતર બંધ થતા તાળા મારવાની ફરજ પડી
- રાજ્યની 114 APMC બંધ થવાની સ્થિતિમાં
APMCની આવક સદંતર બંધ થઇ જતાં કર્મચારીઓને પગાર ચૂકવવાના પણ ફાંફાં
કેન્દ્ર સરકારના જે ત્રણ કૃષિ કાયદાનો દેશભરમાં વિરોધ થઇ રહ્યો છે, તે કાળા કાયદાની આડઅસર ગુજરાતની 224 APMCમાં ઓછા-વત્તા અંશે વર્તાઇ રહી હોવાની ચોંકાવનારી હકીકત સામે આવી છે. બદલાયેલા કૃષિ કાયદા બાદ રાજ્યની 15 APMCમાં તાળાં લાગી ગયા છે. એટલું જ નહીં ટૂંક સમયમાં 114 APMCબંધ થઇ જાય તેવી નોબત ઊભી થઇ છે. આ ઉપરાંત કેટલીક એપીએમસીની આવક સદંતર બંધ થઇ જતાં કર્મચારીઓને પગાર ચૂકવવાના પણ ફાંફાં પડી રહ્યા છે.
કેટલીક APMCએ અડધા કર્મીઓને છૂટા કરી બાકીના કર્મચારીઓના પગાર ઘટાડ્યા
નાની માર્કેટની આવક સદંતર બંધ થઇ જવા પામી છે. જ્યારે વર્ષે દહાડે કરોડોનું ટર્નઓવર ધરાવતી બજાર સમિતિઓની આવકને અસર પડી છે. નાની બજાર સમિતિની આવક બંધ થતાં તેઓએ માર્કેટને તાળાં મારી દેવાની ફરજ પડી છે. જ્યારે કેટલીક માર્કેટના હોદ્દેદારોએ કર્મચારીઓને છૂટા કરવા પડયાં છે. બીજી તરફ કેટલીક બજાર સમિતિએ અડધા કર્મીઓને છૂટા કરી બાકીના કર્મચારીઓના પગાર ઘટાડી પોતાના ફંડમાંથી પગાર ચૂકવવા રહ્યા છે.
APMCના કર્મીઓએ આજીવિકા બચાવવા ગાંધીનગરના દરવાજા ખખડાવ્યા
ગુજરાત બજાર સમિતિના કર્મચારીઓની આજીવિકાની સલામતી માટે ગાંધીનગરના દરવાજા ખખડાવ્યા છે. રાજ્યની 224 એપીએમસીના 3000 થી વધુ કર્મચારીને સરકાર અથવા માર્કેટ બોર્ડ હસ્તક લઇ લેવામાં રજૂઆત કરી છે. નવા કાયદા બાદ સર્જાયેલી કર્મચારીઓની સમસ્યાનું તાકીદે નિરાકરણ લાવવા કર્મચારી મંડળ વતી માગણી કરી છે.
રાજ્યની APMCની કથળેલી હાલતના મુદ્દે કોગ્રેસના આકરાં પ્રહાર
નવા કૃષિ કાયદાની અમલવારીને લઈને કોગ્રેસના ધારાસભ્ય લલિત વસોયાએ સરકાર પર આકરા પ્રહાર કર્યા છે. તેમણે જણાવ્યું કે, ગુજરાતની 15થી વધારે APMCને તાળા લાગી ગયા આ સાથે રાજ્યના 124 APMCના કર્મચારીઓનેને પગાર ચૂકવવાના પૈસા નથી. જેને લઈને મોટાભાગની APMCએ પોતાના કર્માચારીઓને છુટ્ટા કરવામાં આવી રહ્યાં છે. સરકારના નવા કાયદાને લઈને રાજ્યની APMCનું માળખું ભાંગી જશે. તેમજ નવા કૃષિ કાયદાથી વેપારીઓએ ખાનગી કંપનીઓ ખેડૂતોને લૂંટશે
