BIG NEWS / દિલ્હી દારૂ નીતિ કૌભાંડમાં ફરી ત્રણ રાજ્યોમાં EDનો સપાટો, કેજરીવાલે કહ્યું 500 રેડ કરી, કશું મળતું નથી

• પંજાબ, દિલ્હી અને હૈદરાબાદમા 35 ઠેકાણા પર ઇડીની રેડ 
• આદમી પાર્ટીના કોમ્યુનિકેશન ઈન્ચાર્જ વિજય નાયરને કસ્ટડીમાં મોકલવામાં આવ્યા 
• 500 રેડ કરી, કશું મળતું નથી : કેજરીવાલ 

પંજાબ, દિલ્હી અને હૈદરાબાદમા 35 ઠેકાણા પર ઇડીની રેડ 

એન્ફોર્સમેન્ટ ડિરેક્ટોરેટ (ED) એ દિલ્હીની અરવિંદ કેજરીવાલ સરકારની 'દારૂ નીતિ'ના સંબંધમાં આજે પણ દરોડા પાડ્યા છે. દિલ્હી, પંજાબ અને હૈદરાબાદ સહિત દેશભરની કુલ 35 જગ્યાઓ પર આ દરોડા ચાલુ છે. મામલામાં ઇડીએ મની લોન્ડરિંગનો કેસ પણ દાખલ કર્યો છે. આ પહેલા સપ્ટેમ્બરમાં ઇડીએ દરોડા બાદ દારૂના કારોબારી સમીર મહેન્દ્રૂ સહિત બે શખ્સને અરેસ્ટ કર્યા હતા. 

આ રાજ્યોમાં દારૂના કારોબારીઓ, વિતરકો અને સપ્લાય ચેઈન નેટવર્ક સાથે જોડાયેલ જગ્યાઓ પર દરોડા પાડવામાં આવી રહ્યા છે.ઇડીની કાર્યવાહી ત્યારે શરૂ થઈ, જ્યારે એજન્સીની ટીમોને મુખ્યાલયથી દરોડાવાળા સ્થાનો માટે નીકળતી જોવા મળી. 

500 से ज़्यादा रेड, 3 महीनों से CBI/ED के 300 से ज़्यादा अधिकारी 24 घंटे लगे हुए हैं- एक मनीष सिसोदिया के ख़िलाफ़ सबूत ढूँढने के लिए। कुछ नहीं मिल रहा। क्योंकि कुछ किया ही नहीं

अपनी गंदी राजनीति के लिए इतने अधिकारियों का समय बर्बाद किया जा रहा है। ऐसे देश कैसे तरक़्क़ी करेगा? https://t.co/VN3AMc6TUd

— Arvind Kejriwal (@ArvindKejriwal) October 7, 2022

આદમી પાર્ટીના કોમ્યુનિકેશન ઈન્ચાર્જ વિજય નાયરને કસ્ટડીમાં મોકલવામાં આવ્યા 

દારૂ નીતિ મામલામાં જ અરેસ્ટ થયેલા આમ આદમી પાર્ટીના કોમ્યુનિકેશન ઈન્ચાર્જ અને બિઝનેસમેન વિજય નાયરને ગઈ કાલે (ગુરુવારે) દિલ્હીની અદાલતે બે અઠવાડિયા માટે ન્યાયિક કસ્ટડીમાં મોકલી દીધા હતા. નાયરની સીબીઆઈ દ્વારા દિલ્હી એક્સાઈઝ પોલિસી કૌભાંડ કેસમાં ધરપકડ કરવામાં આવી હતી, જેમાં નાયબ મુખ્યમંત્રી મનીષ સિસોદિયા પણ આરોપી છે.

500 રેડ કરી, કશું મળતું નથી : કેજરીવાલ 

પ્રોસિક્યુશન મુજબ, નાયરે અન્ય લોકો સાથે મળીને ગુનાહિત કાવતરું ઘડ્યું હતું, જેનો એક ભાગ દિલ્હી સરકારની આબકારી નીતિ, 2021-2022 ઘડીને લાગુ કરવામાં આવ્યો હતો. ફરિયાદ પક્ષે દાવો કર્યો છે કે તેનો ઈરાદો સરકારને છેતરીને દારૂના ઉત્પાદકો અને તેના વિતરકોને અનુચિત અને ગેરકાયદેસર લાભ આપવાનો હતો અને આ નીતિના પરિણામે સરકારને મોટી આવકનું નુકસાન થયું હતું.

CBIએ નાયબ મુખ્યમંત્રી મનીષ સહિત લોક સેવકો અને અન્ય અજ્ઞાત લોકો સામે ભારતીય દંડ સંહિતા અને અન્ય ભ્રષ્ટાચાર નિરોક્ષક કાયદાઓ હેઠળ મામલો દાખલ કર્યો હતો. એફઆઈઆર મુજબ, આરોપી જાહેર સેવકોએ સક્ષમ અધિકારીઓની પરવાનગી લીધા વિના આબકારી નીતિ અંગે નિર્ણય લેવામાં મહત્વની ભૂમિકા ભજવી હતી.

FIRમાં આરોપ લગાવવામાં આવ્યો છે કે આરોપીનો ઈરાદો દારૂના લાયસન્સધારકોને અયોગ્ય ફાયદો કરાવવાનો હતો.મુખ્ય પ્રધાન અરવિંદ કેજરીવાલની આગેવાની હેઠળની દિલ્હી સરકારે 17 નવેમ્બર, 2021 ના ​​રોજ લાગુ કરાયેલ તેની નવી આબકારી નીતિ પાછી ખેંચીને 1 સપ્ટેમ્બર, 2022 થી જૂની એક્સાઇઝ સિસ્ટમને પુનઃસ્થાપિત કરી હતી.