ધરતીકંપ / મણિપુર અને અરૂણાચલ બાદ દિલ્હીમાં અનુભવાયા ભૂકંપના આંચકા, સ્થાનિકોમાં ભયનો માહોલ

• રાજધાની દિલ્હીમાં અનુભવાયા ભૂકંપના આંચકા
• સ્થાનિકોમાં ભયનો માહોલ 
• રિક્ટર સ્કેલ પર 2.1 ની મપાઈ 

મળતી વિગતો પ્રમાણે, રવિવારે સવારે 12 વાગ્યાની આસપાસ રાજધાની દિલ્હી નજીક ભૂકંપના હળવા આંચકા અનુભવાયા હતા. નેશનલ સેન્ટર ફોર સિસ્મોલોજી મુજબ રવિવારે બપોરે ભારતની નવી દિલ્હી નજીક રિક્ટર સ્કેલ પર 2.1 ની તીવ્રતાનો ભુકંપ અનુભવાયો હતો. 

ભૂકંપનું કેન્દ્ર ભારતની નવી દિલ્હીથથી 8 કિલોમીટર દૂર 

એજન્સી અનુસાર, ભૂકંપનું કેન્દ્ર ભારતની નવી દિલ્હીથથી 8 કિલોમીટર ઉત્તર પશ્ચિમમાં (એનડબ્લ્યુ) હતું. ભૂકંપ ભારતીય સમય મુજબ બપોરે 12:02 વાગ્યે સપાટીથી 7 કિલોમીટરની ઊંડાઈએ આવ્યો હતો.

આજે સવારે પૂર્વોત્તરના રાજ્યોમાં અનુભવાયો હતા આંચકા 

અરુણાચલ પ્રદેશમાં એકવાર ફરી 1.02 વાગે આંચકા અનુભવાયા હતા. અરુણાચલના પેંગિનમાં આ ઝટકા આવ્યા હતા. રિક્ટર પર આની તીવ્રતા 3.1 રહી. મણિપુરમાં સવારે 1. 22 મિનિટ પર ભૂકંપના આંચકા અનુભવાયા. મણિપુરના શિરુઈ ગામમાં આંચકા અનુભવાયા. રિક્ટર પર આની તીવ્રતા 3.6 મપાઈ છે.

જાણો ક્યા અને કયા સમયે આવ્યો ભૂકંપ

નેશનલ સેન્ટર ફોર સીસ્મોલોજીના કહેવા અનુસાર પશ્ચિમ ખાસી હિલ્સ એટલે કે મેઘાલયમાં ભૂકંપનો આંચકો શુક્રવારે વહેલી સવારે 4.20 મિનિટે આવ્યો અને અહીં સૌથી ઓછી એટલે કે 2.6ની તીવ્રતા નોંધાઈ હતી. આ સિવાય  સોનિતપુર એટલે કે આસામમાં સવારે 2.40 મિનિટે ભૂકંપ આવ્યો હતો અને તેની તીવ્રતા 4.1ની રહી હતી. ચંદેલ એટલે કે મણિપુરમાં 1.06 ના સમયે 3.0ની તીવ્રતાનો ભૂકંપ અનુભવાયો હતો.  

2 દિવસ પહેલા પણ 3 રાજ્યોમાં અનુભવાયા હતા આંચકા 

ઉલ્લેખનીય છે કે  ભારતના 3 રાજ્યોમાં શુક્રવારે સવારે ભૂકંપના આંચકા અનુભવાયા હતા. 3 રાજ્યોમાં ભૂકંપના ઝટકા અલગ અલગ સમયે આવ્યા હોવાનું જાણવા મળ્યું હતુ. રિક્ટર સ્કેલ પર ભૂકંપી તીવ્રતા 4.1, 3.0, અને 2.6 હોવાનું જાણવા મળ્યું હતુ. આ ભૂકંપના આંચકા ક્રમશઃ સોનિતપુર એટલે કે આસામ, ચંદેલ એટલે કે મણિપુર અને પશ્ચિમ ખાસી હિલ્સ એટલે કે મેઘાલયમાં અનુભવાયા હતા. નેશનલ સેન્ટર ફોર સીસ્મોલોજીએ ભૂકંપની ખાતરી કરી હતી. 

કચ્છમાં ભૂકંપ આવતા કચ્છવાસીઓમાં ફફડાટ 

નોંધનીય છે કે શુક્રવારે કચ્છમાં ફરી ધરા ધ્રુજી, કચ્છમાં 4.2ની તીવ્રતાનો ભૂકંપ આવતા કચ્છવાસીઓમાં ફફડાટ જોવા મળી રહ્યો છે, ભૂકંપ અનુભવાતા લોકો ઘરની બહાર દોડી આવ્યા હતા અને લોકોમાં ભયનો માહોલ છવાઈ ગયો હતો. રિક્ટર સ્કેલ પર ભૂકંપની તીવ્રતા 4.2 હોવાનું જણાયું હતું જ્યારે ભૂકંપનું કેન્દ્રબિંન્દુ વામકાથી 11 કિ.મી દૂર નોંધાયું છે. મહત્વનું છે કે સવારે પણ દેશના કેટલાક ભાગોમાં ભૂકંપની આંચકા નોંધાયા હતા.