ગીર સોમનાથ / તાલાલામાં વહેલી સવારે ભૂકંપનાં આંચકા, રિક્ટર સ્કેલ પર 4.0 નોંધાઈ તીવ્રતા

• તાલાલામાં 4.0ની તીવ્રતાનો ભૂકંપ
• વહેલી સવારે આંચકા અનુભવાયા
• તાલાલાથી 13 કિ.મી. દૂર કેન્દ્રબિંદુ

તાલાલાથી 13 કિલોમીટર દૂર કેન્દ્રબિંદુ

કાળઝાળ ગરમીની વચ્ચે આજે સવારે ગીર સોમનાથના તલાલા ભૂકંપના આંચકાથી ઘરા ઘ્રૂજતાં લોકો ગભરાઇને બહાર આવી ગયા હતા. ઉલ્લેખનિય છે કે, ગીર સોમનાથના તાલાલમાં સવારે 6 વાગ્યે ભૂકંપના આંચકો અનુભવાયો હતો.તાલાલાથી 13 કિલોમીટર દૂર એપી સેન્ટર હોવાનું જાણવા મળ્યું છે.

 વહેલી સવારે આંચકા અનુભવાયા

સૂત્રો દ્રારા મળતી માહિતી મુજબ ભૂકંપની જંગલ વિસ્તારમાં વધુ અસર થઇ છે. જો કે નુકસાનના હજું સુધી કોઇ અહેવાલ નથી. આ સાથે જૂનાગઢના દેવળિયામાં પણ આજે વહેલી સવારે ભૂકંપનો આંચકો અનુભવાયો હતો. 

થોડા દિવસ પહેલા કચ્છમાં ભૂકંપના આંચકા અનુભવાયા હતાં

મહત્વનું છે કે, થોડા દિવસ પહેલા કચ્છમાં પણ 2.5ની તીવ્રતાના ભૂંકપના આંચકા અનુવાયા હતાં.તે સમયે તેનું કેન્દ્ર બિંદુ ભચાઉથી 23 કિલોમીટર દૂર નોંધાયું હતું. ભૂકંપના આંચકા અનુભવાતા લોકો ઘરમાંથી બહાર દોડી આવ્યાં હતાં.