હક્ક / આર પારની લડાઈ: ઘડી કંપની વિરુદ્ધ ઉપવાસ આંદોલનના છઠ્ઠા દિવસે આંદોલન વધુ મજબૂત બન્યું, જુઓ શું છે મામલો

• ઘડી કંપની વિરુદ્ધ ઉપવાસ આંદોલનનો છઠ્ઠો દિવસ
• દ્વારકા જિલ્લા કોંગ્રેસ સમિતિનું આંદોલનને સમર્થન
• આસપાસના ગામોના સરપંચોનું આંદોલનને સમર્થન

દ્વારકા તાલુકાના કુરંગા ગામે આવેલ RSPL ઘડી કંપની વિરુદ્ધ સ્થાનિકોના આંદોલનનો છઠ્ઠો દિવસ છે. આજે જિલ્લા કોંગ્રેસ અગ્રણીઓએ ઉપવાસ છાવણીની મુલાકાત લઈ આંદોલનને સમર્થન જાહેર કર્યું હતું

આંદોલન વધુ મજબૂત બન્યું
કુરંગા RSPL ઘડી કંપની વિરુદ્ધ ઉપવાસ આંદોલનના છઠ્ઠા દિવસે આજે કૉંગ્રેસ અગ્રણીઓએ ઉપવાસ છાવણીની મુલાકાત લઈ આ આંદોલનનને સમર્થન આપી સરકાર સુધી આ રજુઆત પહોંચાડવાની વાત ઉચ્ચારી હતી વિધાનસભા ગૃહમાં કૉંગ્રેસ ધારાસભ્યો સ્થાનિકોના પ્રશ્નોને ઉઠાવશે પ્રદુષણ,રોજગારી,અસમાન વેતન સહિતની બાબતોને લઈ સ્થાનિકોએ RSPL ઘડી કંપનીના ગેઇટ સામે ઉપવાસ આંદોલન શરૂ કર્યા છે ત્યારે આ ઉપવાસ આંદોલન દિન પ્રતિદિન ઉગ્ર બની રહ્યું છે ત્યારે આ આંદોલનને પ્રચંડ જન સમર્થન આસપાસના ગામોનું પણ મળી રહ્યું છે  ત્યારે વિશાળ સંખ્યામાં ઉપવાસ છાવણીમાં મુલાકાત લેવા દ્વારકા જિલ્લા પંચાયતના કોંગ્રેસના સદસ્યો તેમજ કૉંગ્રેસ સમિતિના અગ્રણીઓ પહોંચ્યા હતા અને સ્થાનિકો સાથે ચર્ચા કરી આ આંદોલનને સમર્થન આપ્યું હતું ત્યારે રાજકીય ગરમાવો પણ આવી રહ્યો છે તંત્ર દ્વારા સ્થાનિકોને જલ્દી ન્યાય મળે તેવી માંગ કૉંગ્રેસ અગ્રણીઓએ ઉચ્ચારી હતી

કેમ RSPL ઘડી કંપની વિરુદ્ધ આંદોલન છેડાયું?
RSPL ઘડી કંપની વિરુદ્ધ ઉપવાસ આંદોલનમાં જોડાયેલા સ્થાનિકોઓએ ઘડી કંપનીના વોશિંગ પાવડર સહિતની પ્રોડકટનો બહિષ્કાર સ્થાનિકોએ કર્યો છે.આ ઉપવાસ આંદોલન દિવસેને દિવસે વધુ ઉગ્ર બન્યું છે.કંપની દ્વારા સ્થાનિકો સાથે કોઈ પણ પ્રકારના સમાધાન માટે વાતચીત કરવા તૈયાર નથી. સ્થાનિકો રોજગારી, પ્રદૂષણ, તથા શોષણ સહિતના મુદ્દે કંપની વિરૂદ્ધ આંદોલન કરી રહ્યા છે. ખેડૂતો, મહિલાઓ, બેરોજગાર યુવાનો સહિત સમાજના દરેક વર્ગના લોકો આ આંદોલનમાં જોડાયા છે. જેમાં કંપનિ વિરૂદ્ધ આક્ષેપ છે કે, તેઓ સ્થાનિકોને રોજગાર નથી આપતા,ખેડૂતોને પોતાના ખેતરમાં જવાનો રસ્તો પણ બંદ કર્યો છે, પ્રદૂષણ પણ છોડાય છે તથા શ્રમિકોને વળતર ન આપવા મુદ્દે પણ કંપની વિરૂદ્ધ આરોપ થઈ રહ્યા છે.