પશ્ચિમ બંગાળમાં કોરોના વાયરસના કેસની સંખ્યામાં જબરદસ્ત વધારો જોવા મળ્યો છે.
પશ્ચિમ બંગાળમાં ચાલી રહી છે ચૂંટણી
એક મહિનામાં કોરોના કેસમાં જોરદાર ઉછાળો
બંગાળમાં નેતાઓએ કર્યો હતો ધૂમ ચૂંટણી પ્રચાર
રેલીઓએ કોરોનાનો રેલો કાઢ્યો
દેશમાં કોરોના વાયરસના કેસ સતત વધી રહ્યા છે અને ઘણી જગ્યાઓ ટપોટપ દર્દીઓની મોત થઈ રહી છે ત્યારે બીજી તરફ પશ્ચિમ બંગાળમાં ધૂમ ચૂંટણી પ્રચાર થઈ રહ્યો છે છેલ્લા એક મહિનાથી પણ વધુ સમયથી પશ્ચિમ બંગાળમાં રાજકીય પાર્ટીઓ દ્વારા પ્રચાર કરવામાં આવ્યા. જોકે હવે આંકડાઓ પરથી જાણી શકાય છે કે બંગાળને આ ચૂંટણી ખૂબ જ ભારે પડી છે. જોકે તે શોધવું તો અસંભવ છે કે કઈ રેલી બંગાળમાં સુપર-સ્પ્રેડર બની અને રેલીથી જ કોરોના ફેલાયો તે સાબિત કરવું પણ અઘરું છે પરંતુ એક મહિનાના આંકડા પરથી ચોક્કસ કહી શકાય કે બંગાળમાં કોરોનાની પરિસ્થિતિ દિવસેને દિવસે ગંભીર બની રહી છે.
બંગાળમાં કોરોના વાયરસના કેસમાં જોરદાર ઉછાળો
11મી માર્ચે પશ્ચિમ બંગાળમાં કોરોના વાયરસના કેસ ઘટીને 3110 થઈ ગયા હતા અને તે બાદ તેમાં સતત વધારો જોવા મળ્યો. 20 માર્ચ બાદથી રાજ્યમાં એક્ટિવ કેસની સંખ્યા વધીને 53 હજાર પર પહોંચી છે. આમ આંકડા અનુસાર 1500 ટકા વધારે કેસ છે.
કોલકાતા :
બંગાળની રાજધાની કોલકાતામાં ફેબ્રુઆરીના બીજી મહિનામાં નવા કેસની સંખ્યા 200ની નીચે પહોંચી ગઈ હતી ત્યારે 20મી એપ્રિલે કોલકાતામાં 2234 નવા કેસ સામે આવ્યા છે. નોંધનીય છે કે હજુ તો કોલકાતામાં મતદાન પણ બાકી છે.
પુરુલિયા :
18 માર્ચ આ જિલ્લામાં 35 એક્ટિવ કેસ હતા, અહિયાં જનસભાઓ અને રેલીઓ થઈ તે બાદ કેસની સંખ્યામાં વધારો જોવા મળ્યો છે. એક મહિના બાદ હવે આ જિલ્લામાં 1200થી વધારે એક્ટિવ કેસ છે જે એક મહિનાની તુલનામાં 34 ગણા વધારે છે.
દક્ષિણ 24 પરગના
આ જિલ્લામાં 14 માર્ચ 126 કેસ હતા જે બાદ હવે ડબલથી વધારે કેસની વૃદ્ધિ જોવાં મળી છે.
કોરોના વાયરસ કેસ અપડેટ :
ભારતમાં એક જ દિવસમાં રેકોર્ડબ્રેક 2 લાખ 95 હજાર 41 નવા કેસ સામે આવ્યા છે જ્યારે 2023 દર્દીઓએ પોતાના જીવ ગુમાવ્યા છે. આ સાથે જ ભારતમાં એક દિવસમાં 1,67,457 લોકોએ કોરોના વાયરસને હરાવ્યો પણ છે અને સાજા થયા છે. ભારતમાં અત્યાર સુધીમાં 13 કરોડથી વધારે લોકોને કોરોના વાયરસની રસી આપી દેવામાં આવી છે.