પર્દાફાશ / સુરતમાં કોરોનાની સારવારમાં વપરાતા નકલી ઈન્જેક્શનના કૌભાંડનું મૂળ અમદાવાદમાં નીકળ્યું

• સુરતમાં કોરોનાની સારવારમાં વપરાતા ઇન્જેકશનના કૌભાંડનો પર્દાફાશ
• સુરતમાંથી ટોસિલિઝૂમેબના બનાવટી ઇન્જેક્શન ઝડપાયા
• અગાઉ અમદાવાદની સંજીવની હોસ્પિટલમાંથી બનાવટી ઇન્જેક્શન મળ્યું હતું

સાબરમતી ફાર્મસીમાંથી આ ઇન્જેક્શન વેચાણ માટે લવાયું હોવાનું ખુલ્યું હતું. ફૂડ એન્ડ ડ્રગ વિભાગે તપાસ કરતા સમગ્ર મામલો સોહેલ નામના વ્યક્તિ સુધી પહોંચ્યો હતો. ફ્રૂડ એન્ડ ડ્રગ્સ વિભાગે આ અંગે વધુ તપાસ હાથ ધરી છે. જૈનિફ ફાર્મા કંપનીએ કૌભાંડ ઉભું કર્યું હતું.

કઇ રીતે થયો કૌભાંડનો પર્દાફાશ?

સુરતથી નકલી ઇન્જેકશનના કૌભાંડનો પર્દાફાશ થયો છે. નકલી ઇન્કજેકશનનું કનેકશન અમદાવાદ સુધી પહોંચ્યું છે. અમદાવાદના ભુયંગદેવની સંજીવની હોસ્પિટલના ડોક્ટર  દેવાંગ શાહે ફરિયાદ કરી હતી. ડોક્ટર દેવાંગ શાહે લતાબેન નામના દર્દીને પ્રિસ્ક્રાઇબ ટોસિલિઝૂમેબ કર્યુ હતું. દર્દીના સગાએ GENIC PHARMAના નામથી 3 બોક્સ લાવી આપ્યા હતા. ટોસિલિઝૂમેબ ઇન્જેકશન 3 બોક્સમાં હતા. ઇન્કજેકશનના ઉપયોગ બાદ ડોક્ટરને ગુણવત્તા બાબતે શંકા જતા ફરિયાદ કરી હતી. ઇન્જેકશનની ખરીદી અંગે અધિકારીઓએ તપાસ કરી છે. દર્દીના સગાએ MAA ફાર્મસી આશિષ શાહ પાસેથી ઇન્જેકશન ખરીદ્યુ હતું. 3 ઇન્જેકશનના 1 લાખ 35 હજાર રૂપિયા રોકડા આપ્યા હતા. આશિષ શાહે ચાંદખેડામાં રહેતા હર્ષ ભરત ઠાકોર પાસેથી ખરીદ્યા હતા. આશિષ શાહે વગર બિલે હર્ષ પાસેથી 4 બોક્ષ 80 હજારમાં ખરીદ્યા હતા.

હર્ષ ઠાકોરે આ ચેડા કર્યાનો ખુલાસો

હર્ષ ઠાકોરની પુછપરછમાં તેણે આ ઇન્જેકશન હેપી કેમીસ્ટમાંથી ખરીદ્યા હતા. પાલડીમાં આવેલી હેપી કેમિસ્ટમાંથી ઇન્જેકશન ખરીદ્યા હતા. નિલેશ લાલીવાલા પાસેથી વગર બિલે 70 હજારમાં 4 બોક્ષ ખરીદ્યા હતા. નિલેશ લાલીવાલાની પૂછપરછમાં મોટો ખુલાસો થયો છે. NANDROLONE DECANOATE 250 MG  ઇન્જેકશનના કાર્ટનનો ઉપયોગ થયો છે. જે ટોસિલિઝૂમેબના કાર્ટનની ડિઝાઇન સાથે મળતા આવે છે. ફોટો શોપમાં એડિટ કરી બનાવટી ટોસિલિઝૂમેબનું નામ લખ્યું હતું.

નિલેશ લાલીવાલાની પૂછપરછમાં સુરત તાર સુધી પહોંચ્યા

નિલેશ લાલીવાલાની પૂછપરછમાં સુરત તાર સુધી પહોંચ્યા છે. બનાવટી ઇન્જેકશન સુરતમાં બનતું હોવાનો ખુલાસો થયો છે. સુરતના સોહેલ ઇસ્માઇલ તાઇના ઘરેથી મુદ્દામાલ મળ્યો હતો. ફિલીંગ મશીન, સિલીંગ મશીન, કોડિંગ મશીન, બનાવટના કાચા દ્વવ્યો મળ્યા હતા. પેકિંગ મટિરીયલ સહિતનો 8 લાખનો મુદ્દામાલ કબજે કરવામાં આવ્યો છે. સોહેલે NANDROLONE DECANOATE 250 MG /ML Mfg. Genic Pharmaના નામનો ઉપયોગ કર્યો છે. Genic Pharmaના નામના ટોસસિલિઝૂમેબ ઇન્જેક્શનના બનાવટી લેબલ બનાવ્યા છે. હર્ષ ઠાકોર અને નિલેશ લાલીવાલા સાથે રહીને કૌભાંડ કર્યુ છે.