શું વાત છે / આ શહેરમાં મેલેરિયા અને ડેન્ગ્યુને કંટ્રોલ કરવા ડ્રોનની લેવાશે મદદ, જાણો કઈ રીતે કરશે કામ 

• સ્પ્રિંકલર ડ્રોનની મદદથી આકાશમાંથી કરશે દવાનો છંટકાવ 
• સ્પ્રિંકલર ડ્રોનની કિંમત 7 લાખ રૂપિયા છે 
• કર્મચારીઓને ડ્રોન ઉડાવવાની તાલીમ આપી રહી છે

ડ્રોનની મદદથી ઉંચાઈ અને મુશ્કેલી વાળા સ્થળોએ દવા છંટાશે 

દેશની આર્થિક રાજધાની મુંબઈમાં ફેલાતા મેલેરિયા અને ડેન્ગ્યુને નિયંત્રિત કરવા માટે BMC દ્વારા સ્પ્રિંકલર ડ્રોનનો ઉપયોગ કરવાનું નક્કી  કર્યું છે. આ ડ્રોન દ્વારા BMC એવા વિસ્તારોમાં દવાનો છંટકાવ કરશે, જ્યાં BMC કર્મચારીઓ માટે પહોંચવું ખૂબ જ મુશ્કેલ છે. BMC દ્વારા ઉપયોગમાં લેવાતા સ્પ્રિંકલર ડ્રોનની કિંમત 7 લાખ રૂપિયા છે. આ ડ્રોનની મદદથી ઉંચાઈ અને મુશ્કેલી વાળા સ્થળોએ પહોંચવામાં અને દવાઓનો છંટકાવ કરવામાં ઘણી મદદ મળે છે.

BMC એ જી સાઉથ વોર્ડ પર સ્પ્રિંકલર ડ્રોનનો ઉપયોગ શરુ કરી દીધો છે.

ઉલ્લેખનીય છે કે, દર વર્ષે ચોમાસાની શરુઆત સાથે ડેન્ગ્યુ અને મેલેરિયાના કેસ મુંબઈ શહેરમાં પાણી ભરાઈ જવાના કારણે ડેન્ગ્યુ અને મેલેરિયાના કેસો આવવા લાગે છે. શહેરમાં સૌથી વધુ કેસો જી સાઉથ વોર્ડ થી થાય છે. આ વોર્ડમાં વર્લી, પ્રભાદેવી, લોવર પરેલ, પરેલ અને મહાલક્ષ્મી જેવા વિસ્તારોમાંથી આવી રહ્યાં છે. જ્યાં સૌથી જુની અને જર્જરીત ઈમારતો આવેલી છે. અહીંયા 6 ખંડેર બની ગયેલી મીલો અને પરેલ રેલવે યાર્ડ છે. જેની હાઈટ અને બનાવટ એવી છે કે, અહીં  BMC કર્મચારીઓને પહોંચવું અને ડેન્ગ્યુના અને મેલેરિયાના લાર્વા પર દવાઓનો છંટકાવ બહુ મુશ્કેલ છે. તેવામાં દાવના છંટકાવની સમસ્યાને દુર કરવા  માટે  BMC એે જી સાઉથ વોર્ડ પર સ્પ્રિંકલર ડ્રોનનો ઉપયોગ શરુ કરી દીધો છે.

ડ્રોનની કિંમત 7 લાખ રૂપિયા છે, કારણ છે તેનું વજન

બીએમસી દ્વારા ઉપયોગમાં લેવાતાં સ્પ્રિંકલર ડ્રોનની કિંમત 7 લાખ રુપિયા છે. આ ડ્રોનની મદદથી ઉંચી અને મુશ્કેલી વાળી જગ્યાઓ પર પોહોંચવા અને દવાઓનો છંટકાવમાં સારી એવી મદદ મળી રહે છે. 15 કિલો વજનના કારણે આ ડ્રોનનો ઉપયોગ હાલ બીએમસીએ પાયલોટ પ્રોજેક્ટ તરીકે શરૂ કરવામાં આવ્યું છે. 

BMC ડ્રોન ઉડાવવાની તાલીમ આપી રહી છે

હાલમાં, આ ડ્રોનને ચલાવવા માટે, BMC ડ્રોન બનાવવા વાળી કંપનીના પાયલોટની મદદ લઈ રહી છે.બીએમસીએ કહ્યું કે તેના કર્મચારીઓને ડ્રોન ઉડાવવાની તાલીમ આપવાની સાથે, તે તેમને ઉડાનના લાયસન્સ મેળવવાની પણ તૈયારી કરી રહી છે.