- શિયાળામાં ભોજનમાં લો દેશી ગોળ
- સવારે પીવો ગોળનું હુફાળું પાણી
- શરીર માટે ઇમ્યુનિટી બૂસ્ટરનું કામ કરે છે ગોળ
આ શિયાળાની સિઝનમાં ફિટ રહેવા માટે તમે તમારા ભોજનમાં દેશી ગોળ ઉમેરી લો. અને દરરોજ સવારે ગોળનું હુંફાળું પાણી પીવાની ટેવ પાડી લો. ગોળનું પાણી પીવાનાં ઘણાં સ્વાસ્થ્ય વર્ધક ફાયદા છે. ગોળ શરીર માટે ઇમ્યુનિટી બૂસ્ટરનું કામ કરે છે. તે બોડીને તુરંત જ રિચાર્જ કરી દે છે. થાક દૂર કરે છે. ઇમ્યુનિટી વધારે છે. અને સાંધાના દુખાવા પણ દૂર કરે છે.
ગોળ મેગ્નિશિયમ, વિટામિન બી વન, બી સિક્સ, સીનો એક સારો સ્ત્રોત છે. ગોળ ઝિન્ક, સેલેનિયમ જેવા એન્ટીઓક્સિડેન્ટ અને મિનરલથી ભરપૂર હોય છે. તમે સવારે અથવા ઊંઘતાં પહેલાં ગરમ પાણીની સાથે ગોળનું સેવન કરી શકો છો. જે તમારી ઈમ્યુનિટી વધારવા અને મેટાબોલિઝમ દરને ઝડપી કરવામાં મદદ કરશે.
સાંધાનો દુ:ખાવો દૂર કરશે
ગોળ હાડકાંઓને મજબૂત બનાવવા, સાંધાના દુ:ખાવાને દૂર કરવા, હાડકાંના રોગો જેવા કે સંધિવાને મટાડવા અને શરીરને શાંત કરવા માટે ઓળખાય છે. આ સાથે ઉચ્ચ પોટેશિયમ અને સોડિયમ સામગ્રીને કારણે, ગરમ પાણીની સાથે ગોળનું સેવન શરીરમાં બ્લડ પ્રેશરને સંતુલિત રાખવામાં મદદ કરે છે.
બોડી ક્લિન્ઝર
ગોળમાં એવા ગુણ હોય છે, જે શરીરને સાફ કરવામાં મદદ કરે છે. ગોળ શરીરને ડિટોક્સિફાઈ કરે છે. લોહીને શુદ્ધ રાખે છે અને લિવરને સાફ કરે છે. જો તમે નિયમિત રીતે મર્યાદિત માત્રામાં ગરમ પાણીની સાથે ગોળનું સેવન કરો છો તો તમારી સ્કિન સારી રીતે નિખરશે. શરીર સ્વસ્થ રહેશે તેમજ રોગમુક્ત થશે. કારણકે શરીરમાંથી હાનિકારક ટોક્સિન બહાર નિકળી જશે.
વજન ઘટાડશે
તમે ખાંડની જગ્યાએ ગોળનું સેવન કરી શકો છો. જે તમારું વજન ઘટાડશે. ગોળના અનેક ફાયદામાંથી એક છે કે તે પોટેશિયમથી ભરપૂર હોવાના કારણે શરીરમાં ઇલેક્ટ્રોલાઇટ સંતુલનને જાળવી રાખવામાં મદદ કરે છે. આ સાથે ગોળ તમારા બોડીના મસલ્સને પોષણ પૂરું પાડે છે.
એનીમિયાની સારવાર કરે છે
જો તમારું હિમોગ્લોબીન ઓછું છે, તો પ્રાચીન કાળથી જ ગોળનું સેવન કરવાની સલાહ આપવામાં આવે છે. ગોળ આયર્ન અને ફોલેટથી સમૃદ્ધ છે. ગર્ભવતી મહિલા હોય કે પછી એનીમિક વ્યક્તિ. ગરમ પાણીની સાથે ગોળનું સેવન કરવાથી શરીરમાં હિમોગ્લોબીનનું સ્તર વધી જાય છે.
