કલાકો સુધી વર્કઆઉટ કર્યા બાદ કેટલાક નિયમોનું પાલન કરવુ આવશ્યક, નહીં તો હૃદયની સમસ્યા થવાની વધી જશે શક્યતા
ઠંડુ પાણી પીવાથી મળે છે ઠંડક
પરંતુ શું ઠંડુ પાણી શરીર માટે ફાયદાકારક ખરા ?
ક્યારે પીવુ જોઇએ ઠંડુ પાણી
ગરમીની સિઝનમાં ઠંડુ પાણી પીવાનો આપણે આગ્રહ રાખીએ છીએ. પરિણામે શરીરમાં ઠંડક તો મળે જ છે પણ શું તમને ખબર છે કે ઠંડુ પાણી શરીર માટે કેટલુ ફાયદાકારક ? ઠંડુ પાણી પીવુ જોઇએ કે નહી ? આવો જાણીએ કે ક્યારે ઠંડુ પાણી પીવુ અને ક્યારે ન પીવું જોઇએ.
શું વર્કઆઉટ પછી ઠંડુ પાણી યોગ્ય છે?
તમને જણાવી દઇએ કે વર્કઆઉટ પછી ઠંડા પાણીનું સેવન કરવું શરીર માટે હાનિકારક હોઈ શકે છે. વર્કઆઉટ પછી તમારું શરીર ગરમ થાય છે. આવી સ્થિતિમાં, જ્યારે તમે ઠંડુ પાણી પીવો છો, તો તે તમારા શરીરનું તાપમાન સંપૂર્ણપણે નીચે લાવે છે. આવી સ્થિતિમાં, તમારી વર્કઆઉટની મહેનત સંપૂર્ણપણે બગાડી શકે છે. આ સાથે ઠંડી અને ગરમીની પણ ફરિયાદ થવાની સંભાવના છે. તેથી, વર્કઆઉટ પછી, હંમેશા સામાન્ય અથવા સાદા પાણી પીવો. તેનાથી તમારા શરીરનું વજન ઘટશે. સાથે જ નુકસાન થવાની પણ સંભાવના ઘટી જશે.
વર્કઆઉટ પછી ઠંડુ પાણી પીવાના ગેરફાયદા
વજન વધવાની શક્યતાઓ
જ્યારે તમે વર્કઆઉટ પછી ઠંડુ પાણી પીવો છો, તો તમારું વજન પણ વધી શકે છે. ખાસ કરીને પેટની ચરબી વધવાની શક્યતાઓ વધી જાય છે. આવી સ્થિતિમાં, જો તમે વર્કઆઉટ દ્વારા વજન ઘટાડવાનું વિચારી રહ્યાં છો, તો ઠંડા પાણીનું સેવન બિલકુલ ન કરો. એટલા માટે વર્કઆઉટ પછી તરત જ પાણી પીવું નુકસાનકારક છે.
હૃદય પર કરે છે અસર
વર્કઆઉટ પછી ઠંડા પાણીનું સેવન હૃદયના ધબકારા પર પણ અસર કરી શકે છે. તમને જણાવી દઈએ કે વર્કઆઉટ દરમિયાન, તમારી નસોમાં ઝડપથી રક્ત પરિભ્રમણ થાય છે અને ઠંડા પાણીના અચાનક સેવનથી, તે તમારી નસોને ખૂબ જ ઝડપથી ઠંડી કરી દે છે. આવા કિસ્સામાં હૃદયના ધબકારા અને રક્ત પરિભ્રમણ ધીમુ પડી જાય છે અને તેમાંથી બીજી તકલીફો શરૂ થઇ જાય છે.
માથાનો દુખાવો
જો તમે વર્કઆઉટ પછી ઠંડા પાણીનું સેવન કરો છો, તો માથાનો દુખાવો અને સાઇનસની સમસ્યા થઈ શકે છે. ખાસ કરીને જો તમે બરફના ક્યુબ્સ સાથે પાણી પીતા હોવ, તો તે તમારા સંવેદનશીલ ચેતાને ઠંડી કરી દે છે. જેની અસર તમારા દિમાગ પર પડે છે અને માથામાં દુઃખાવો થવાની સમસ્યામાં વધારો થાય છે.