જો તમે ખરેખર વજન ઓછું કરવા માંગો છો તો પછી વર્કઆઉટ બાદ અમુક ખાસ ડ્રિંક્સનું સેવન કરવાનું શરૂ કરી દો. જાણો કઈ?
વધતુ વજન કંટ્રોલ કરશે આ ઉપાય
વર્ક આઉટ બાદ પીવો આ ડ્રિંક્સ
લાંબા સમય સુધી નહીં લાગે ભૂખ
વજન ઘટાડવા અને વજનને નિયંત્રણમાં રાખવા માટે, લોકો ઘણીવાર જીમમાં પરસેવો પાડે છે. પરંતુ આ પછી પણ વજન ઓછું થતું નથી. પરંતુ તમારે ચિંતા કરવાની જરૂર નથી. જો તમે ખરેખર વજન વધારવા માંગો છો તો પછી વર્કઆઉટ પછી તમે ખાસ ડ્રિંક્સ લેવાનું શરૂ કરી શકો છો.
હેલ્ધી પોસ્ટ ડ્રિંકનું સેવન કરવાથી તમને એનર્જી મળશે. લાંબા સમય સુધી ભૂખ નહીં લાગે અને વજન ઘટાડવામાં મદદ મળશે. અમે તમને અહીં જણાવીશું કે વજન કંટ્રોલમાં રાખવા માટે તમારે કયા ડ્રિંકનું સેવન કરવું જોઈએ? ચાલો જાણીએ.
વજન ઓછુ કરવા માટે વર્કઆઉટ બાદ પીવો આ ડ્રિંક્સ
કેળા અને સ્ટ્રોબેરી ડ્રિંક
જો તમે વજન ઓછું કરવા માંગો છો તો વર્કઆઉટ પછી તમે કેળા અને સ્ટ્રોબેરીમાંથી બનાવેલી ડ્રિંકનું સવન કરી શકો છો. આ માટે એક ગ્લાસ દૂધમાં એક કેળું, અડધો કપ સ્ટ્રોબેરી નાખો. તેને સારી રીતે પીસી લો.
રોજ વર્કઆઉટ કર્યા પછી તેને પી શકો છો. કેળા અને સ્ટ્રોબેરી ખૂબ જ સ્વાદિષ્ટ હોય છે. કસરત કર્યા પછી દરરોજ આ ડ્રિંક પીવાથી તમે દિવસભર એનર્જેટિક રહેશો અને તમારું વજન પણ નિયંત્રણમાં રહેશે.
ઓટમીલ અને બ્લૂબેરી શેક
ઓટમીલ અને બ્લુબેરી શેક એવા લોકો માટે ફાયદાકારક સાબિક થશે જેઓ વજન ઓછું કરવા માંગે છે. જો આ ડ્રિંક રોજિંદા વર્કઆઉટ પછી પીવામાં આવે તો તેનાથી આખો દિવસ તમારું પેટ ભરેલું રહેશે. આ માટે તમે એક ગ્લાસ દૂધમાં 2 ચમચી ઓટમીલ, અડધો કપ બ્લુબેરી નાખો. બધાને સારી રીતે પીસી લો. આ પછી તેમાં મધ અને ચિયા સીડ્સ ઉમેરો. હવે તમે જીમ વર્કઆઉટ પછી આ પીણું પી શકો છો.
નારિયેળ પાણી
વજન ઘટાડવા માંગતા લોકો માટે નારિયેળ પાણી વર્કઆઉટ પછીનું શ્રેષ્ઠ પીણું સાબિત થઈ શકે છે. કારણ કે તેમાં તમામ જરૂરી વિટામિન્સ અને મિનરલ્સ હોય છે. આનાથી શરીર દિવસભર એનર્જેટિક રહે છે. ઉપરાંત ભૂખ ઝડપથી લાગતી નથી. આ માટે રોજ નારિયેળ પાણી પીવું સ્વાસ્થ્ય માટે ફાયદાકારક છે.