નવી સિદ્ધિ / દુશ્મન ટેન્કના હવે ચીથરા ઉડશે, DRDO દ્વારા લેસર-ગાઇડેડ ATGMનું સફળ પરીક્ષણ

• DRDO દ્વારા લેસર-ગાઇડેડ ATGMનું સફળ પરીક્ષણ 
• સંરક્ષણ મંત્રી રાજનાથસિંહે ટીમને અભિનંદન પાઠવ્યા 
• મિસાઇલોએ ટારગેટને ચોકસાઈથી હીટ કર્યું હતું

ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશને ગુરુવારે લેસર-ગાઇડેડ એટીજીએમનું સફળ પરીક્ષણ કર્યું છે. સંરક્ષણ મંત્રી રાજનાથસિંહે લેસર ગાઇડેડ એટીજીએમ (Laser Guided ATGM) ના સફળ પરીક્ષણ ફાયરિંગ માટે ડીઆરડીઓ અને ભારતીય સૈન્યની પ્રશંસા કરી છે.

ટીમને અભિનંદન પાઠવ્યા
ડીઆરડીઓને સેનાની તાકાત વધારવા બદલ સંરક્ષણ મંત્રીએ સંરક્ષણ સંશોધન અને વિકાસ વિભાગનાં સચિવ  અને ડીઆરડીઓનાં ચેરમેન ડૉ. જી. સતીશ રેડ્ડી અને તેમની ટીમને અભિનંદન પાઠવ્યાં. ડીઆરડીઓએ મલ્ટિ-પ્લેટફોર્મ લોન્ચ ક્ષમતા સાથે એટીજીએમ વિકસાવી છે. આ નવી તકનીકી પરીક્ષણ હાલમાં સ્વદેશી એમબીટી અર્જુનની 120 એમએમ રાઇફલવાળી બંદૂકથી કરવામાં આવ્યું હતું.

 

DRDO successfully tests Fire Laser-Guided ATGMs. pic.twitter.com/W0NcQ4gT4y

— ANI (@ANI) August 4, 2022

AGTM સ્વદેશી રીતે વિકસાવી છે
લેસર-ગાઇડેડ એટીજીએમ (ATGM) સ્વદેશી રીતે વિકસાવવામાં આવી છે. કેકે રેન્જ ખાતેની મુખ્ય યુદ્ધ ટેન્ક (MBT) અર્જુનનું 4 ઓગસ્ટના રોજ ડીઆરડીઓ અને ભારતીય સેના દ્વારા આર્મર્ડ કોર સેન્ટર એન્ડ સ્કૂલ અહમદનગરના સહયોગથી સફળતાપૂર્વક પરીક્ષણ કરવામાં આવ્યું હતું.આજના પરીક્ષણો સાથે, એટીજીએમની લઘુતમથી મહત્તમ હદ સુધીના લક્ષ્યોને સમાવિષ્ટ કરવાની ક્ષમતાની સ્થિરતા સફળતાપૂર્વક સ્થાપિત થઈ છે.

ચોક્કસ ટાર્ગેટ ભેદી શકે છે
પરીક્ષણ દરમિયાન, મિસાઇલોએ ટારગેટને ચોકસાઈથી હીટ કર્યું હતું અને બે જુદી જુદી રેન્જમાં સફળતાપૂર્વક નિશાન સાધ્યું હતું. ઓલ-ઇડિજિનસ લેસર ગાઇડેડ એટીજીએમ સંરક્ષિત બખ્તરબંધ વાહનોને હરાવવા માટે ટેન્ડમ હાઇ એક્સપ્લોઝિવ એન્ટિ-ટેન્ક વોરહેડનો ઉપયોગ કરે છે.