ધ્યાન રાખજો! / Google નો ઉપયોગ કરતી વખતે આ ભૂલો ન કરતાં, નહીં તો સીધા જેલભેગા થશો

વિશ્વભરમાં મોટાપાયે લોકો ગૂગલનો સર્ચ એન્જિન તરીકે ઉપયોગ કરે છે. આ સર્ચ એન્જિને આપણા ઘણાં કામોને સરળ બનાવી દીધુ છે. 

પોતાના ઉત્કૃષ્ટ કામકાજને કારણે ગૂગલ એકદમ સટીક પરિણામને આપણે સામે લઇને આવે છે. આજે ગૂગલ ઘણુ આગળ નિકળી ગયુ છે અથવા એવુ કહો કે ઈન્ટરનેટ સર્ફિગ ક્ષેત્રમાં તેનો એકાધિકાર સ્થાપિત કરી ચૂક્યુ છે. આજે ગૂગલ યુઝર્સની ગતિવિધિઓને ટ્રેક કરી તેની જરૂરીયાતો મુજબ સારા સુચનોને તેમની સામે લાવીને રાખી રહ્યું છે. છેલ્લાં કેટલાંક વર્ષોમાં પ્લેટફોર્મની સિક્યોરિટીને લઇને પણ ગૂગલે ઘણાં નિયમો અને શરતો લાગુ કરી છે. એવામાં જો તમે પણ ગૂગલનો ઉપયોગ કરી રહ્યાં છો તો તમારે ભૂલથી પણ આ કામોને ના કરવા જોઈએ.

ફિલ્મની પાયરસી કરવી 
એટલે કે એવી ફિલ્મો કે જે હજુ રીલીઝ નથી થઈ તેને ઓનલાઈન લીક કરવી એ ગુનો માનવામાં આવે છે. આ સિવાય જો તમે પાયરસી સાથે જોડાયેલ ફિલ્મો ડાઉનલોડ કરો તો તે પણ એક ગુનો છે. આ સિવાય સીનેમાઘરમાં ફિલ્મ રેકોર્ડ કરવી અને તેનો બિઝનેસ કરવો એ પણ ગુનો છે. માટે ભારત સરકારના સીનેમેટ્રોગ્રાફી એક્ટ 1952 દ્વારા મંજૂર થયેલ આ કાયદો યાદ રાખવો જરૂરી છે. નહીં તો તમને 3 વર્ષની જેલ અને 10 લાખનો દંડ થઈ શકે છે. 

પ્રાઇવેટ ફોટો અને વિડીયો શેર ન કરવા 
જો તમે કોઈ વ્યક્તિની પરમીશન વગર પ્રાઇવેટ ફોટો કે વિડીયો ઓનલાઈન ઈન્ટરનેટ પર લીક કરો છો તો તે એક ગંભીર ગુનો છે. સાઇબર ક્રાઇમની કલમ અંતર્ગત આવું કરવાથી તમને જેલ થઈ શકે છે. 

બોમ્બ બનાવવાની પ્રક્રિયા 
જો તમે ગૂગલ પર બોમ્બ બનાવવાની પ્રક્રિયા કે તેના રિલેટેડ કશું સર્ચ કરો તો તમને તેનું ખરાબ પરિણામ ભોગવવું પડી શકે છે. માટે આવી તમામ વિગતો સર્ચ ન કરવી જોઈએ. નહીં તો તમને સીધા જ જેલ થઈ શકે છે.