દાતાર / મા અંબાના મંદિરને મળ્યું સોનાના મુગટનું દાન, અમદાવાદના ભક્તની દાતારી

• અંબાજી મંદિરને મળ્યું સોનાના મુગટનું દાન
• અમદાવાદના ભક્તે 5.52 લાખના સોનાના મુગટનું દાન કર્યું

સુપ્રસિદ્ધ વિશ્વ વિખ્યાત અંબાજી મંદિરને સુવર્ણમય બનાવવાની એક નેમ છે અને કામગીરી થઈ રહી છે. અનેક ભક્તો સોનાનું દાન કરી રહ્યા છે. ત્યારે હવે બનાસકાંઠામાં આવેલા અંબાજી મંદિરને સોનાના મુગટનું દાન મળ્યું છે. યાત્રાધામ અંબાજી ગોલ્ડન ટેમ્પલ તરીકે અગ્રેસર છે ત્યારે ભક્તો દ્વારા સોનાનું દાનનો અવિરત પ્રવાહ પણ જોવા મળી  રહ્યો છે.118.75 ગ્રામ આ મુકટનું વચન છે જેની કિમંત રૂપિયા 5 લાખ 52 હજાર છે. માં અંબાના અમદાવાદના ભક્તે સોનાના મુગટનું દાન કર્યું છે.

અંબાજી મંદિરમાં દાનનો અવિરત પ્રવાહ
શક્તિપીઠ અંબાજી માં શ્રદ્ધાળુઓએ દાનની સરવાણી વહાવી છે જે પ્રકારે શક્તિપીઠ અંબાજી નો વિકાસ થઈ રહ્યો છે અને ગુજરાતભરમાંથી અને દેશભરમાંથી લાખો શ્રધ્ધાળુઓ માના દર્શન કરી રહ્યા છે ત્યારે માનો ભંડારો પણ ભક્તોએ છલકાયો છે ફેબ્રુઆરી અને માર્ચ મહિનામાં અંબાજી મંદિરમાં 4 કરોડ 24 લાખનું દાન આવ્યું છે ત્યારે અંબાજી મંદિરને સુવર્ણમય શિખર બનાવવા માટે 1 કિલો અને 937 ગ્રામ સોનાનો પણ દાન મળ્યું છે અંબાજી મંદિરમાં ભક્તો એ 85 કિલો ચાંદીનો પણ દાન કર્યું છે.

આગામી સમયમાં પણ અંબાજી મંદિરનો અને શક્તિપીઠ અંબાજીના જ આસપાસના વિસ્તારનો વિકાસ થનાર છે ત્યારે ભકતો પણ મોટીસંખ્યામાં મા અંબાના દર્શન કરી અને દાનની આનાથી પણ વધુ સરવાણી વહાવશે