કેમ છો ટ્રમ્પ! / ડોનાલ્ડ ટ્રમ્પના આગમનને લઈને કરોડોને ખર્ચે અમદાવાદના સાજ શણગાર

• 1.10 લાખની કેપેસિટીવાળા મોટેરાને ચિક્કાર ભરાશે
• સુરક્ષા મુદ્દે સજ્જડ સરંજામ
• સાબરમતી આશ્રમ અને રિવરફ્રન્ટ જશે ટ્રમ્પ

અમદાવાદમાં ડોનાલ્ડ ટ્રમ્પના આગમનને લઈ તડામાર તૈયારીઓ શરૂ થઈ ગઈ છે ત્યારે મોટેરા સ્ટેડિયમ ખાતે AMCની પૂરજોશમાં કામગીરી કરાઈ રહી છે. AMC દ્વારા મોટેરા આસપાસના તમામ રોડનું નવીનીકરણ કરાયું છે. રૂ 23 ખરોડના ખર્ચે 16 રોડ નવા બનાવમાં આવ્યા છે. તમામ નવા રોડની આસપાસ ઝાડ પણ લગાવવામાં આવી રહ્યા છે.  

સુરક્ષા મુદ્દે સજ્જડ સરંજામ

અમદાવાદમાં કેમ છો ટ્રમ્પ’ કાર્યક્રમને લઇને તડામાર તૈયારી શરૂ થઇ ગઇ છે. સુરક્ષા મુ્દે ખાસ કરીને બેઠકનો દૌર શરૂ થઇ ગયો છે. સુરક્ષા એજન્સી દ્રારા સુરક્ષા મુદ્દે ઉચ્ચ સ્તરિય બેઠક અમદાવાદ એરપોર્ટ ખાતે યોજાઇ હતી. સુરક્ષા એજન્સીએ એરપોર્ટનું નિરીક્ષણ કર્યુ હતું અને એરપોર્ટની સુરક્ષામાં પણ વધારો કરવામાં આવ્યો છે. રાજ્યના ગૃહમંત્રાલયે  સુરક્ષા અંગેનો રિપોર્ટ કેન્દ્ર ગૃહમંત્રાલયને મોકલ્યો છે. 

1.10 લાખની કેપેસિટીવાળા મોટેરાને ચિક્કાર ભરાશે

મોટેરા સ્ટેડિયમને ભરેલું બતાવવા દેશ-વિદેશથી મહેમાનોને સ્વખર્ચે આમંત્રણ અપાયા છે. લાખો લોકો એ દિવસે અમદાવાદના મહેમાન બનશે. 

સાબરમતી આશ્રમ અને રિવરફ્રન્ટ જશે ટ્રમ્પ

ટ્રમ્પ સાબરમતી આશ્રમ અને રિવરફ્રન્ટની મુલાકાત તો લેશે જ પરંતુ તે હેરિટેજ વોક ઉપર પણ જઈ શકે છે. એ સિવાય સિદ્દી સૈયદની જાળીની મુલાકાત પણ લેશે.